Lavurs
Lur lavurs èn las suandantas:
Preparar la lavur
- leger ils plans da construcziun
- definir la cuvrida da la fatschada e latiers resguardar p.ex. l'effizienza energetica e l'aspect da la fatschada
- mesirar la grondezza da la fatschada
- dissegnar e calcular las furmas e la surfatscha da la cuvrida da la fatschada
- definir la quantitad dal material ed empustar il material
Endrizzar il plazzal
- transportar e depositar il material
- segirar il plazzal, p.ex. montar puntanadas
- preparar maschinas, apparats ed urdains
- endrizzar il plazzal e planisar las fasas da construcziun
Construir e reparar fatschadas
- montar schablonas e fabritgar sutconstrucziuns da lain, da metal u d'aluminium per tschentar ils singuls elements
- metter stresas d'isolaziun ed emplenir sfessas
- montar differentas cuvridas sin la fatschada, p.ex. plattas da lain
- far skizzas per tagliar exactamain las plattas
- enchastrar elements singuls e francar quels vi d'auters elements da construcziun
- montar supports e colliaziuns, p.ex. per moduls da protecziun cunter incendis u per sistems solars
Terminar las lavurs
- controllar la lavur ed eliminar eventualas mancanzas
- scriver rapports
- mantegnair e reparar cuvridas da fatschadas
- dismetter ruments e material en moda professiunala
- tegnair en urden urdains e maschinas
Scolaziun
Durada
3 onns
Furmaziun en la pratica
en in manaschi da la branscha da mantelladas d'edifizis
Furmaziun en scola
1 di per emna en la scola professiunala spezialisada
Roms professiunals
- organisar lavurs vi da la mantellada d'edifizis
- planisar e preparar las lavurs da construcziun da fatschadas
- montar sistems da fatschadas
- mantegnair, reparar e demontar sistems da fatschadas
Curs ordaifer il manaschi
emprender, approfundar ed exercitar las basas professiunalas, 42 dis durant 3 onns
Maturitad professiunala
sche las prestaziuns da scola èn fitg bunas, pon las emprendistas ed ils emprendists frequentar la scola da maturitad professiunala durant la furmaziun da basa.
Diplom
Constructur / Constructura da fatschadas AFQ
Premissas
Furmaziun preliminara
- terminà la scola obligatorica
Pretensiuns
- inschign manual
- chapientscha pratica
- chapientscha tecnica
- imaginaziun tridimensiunala
- senza sturnizi
- abilitad da lavurar en in team
- plaschair da la lavur en il liber
Furmaziun supplementara
Curs
purschidas da scolas spezialisadas e da scolas professiunalas spezialisadas, da l'uniun Polybau, polybau.ch, sco er d'interpresas da la branscha da la mantellada d'edifizis
Emprendissadi supplementar
Constructuras e constructurs da fatschadas AFQ pon per regla far in emprendissadi scursanì sco Isolatura u Isolatur AFQ, Curvratetgs AFQ, Montadra u Montader da puntanadas AFQ, Spezialista u Spezialist per tecnica da parasulegl e storas AFQ, Tolera u Toler AFQ e Lainaria u Lainari AFQ.
Examen professiunal (EP)
Cun attestat professiunal federal, p.ex.:
- Manader u Manadra da construcziun da la mantellada d'edifizis
- Cussegliader energetic u Cussegliadra energetica d'edifizis
- Mainaproject en la montascha d'implants solars
Examen professiunal superiur (EPS)
p.ex. Maister / Maistra da la mantellada d'in edifizi cun diplom federal
Scola spezialisada superiura (SSS)
Studis en roms parentads, per exempel:
Tecnicist / Tecnicista en surveglianza da construcziun dipl. SSS
Scola auta spezialisada (SAS)
Studis en secturs parentads, p.ex. bachelor of science en inschigneria da construcziun. Tut tenor la scola auta spezialisada valan differentas
cundiziuns d'admissiun.
Cundiziuns da lavur
Constructuras e constructurs da fatschadas lavuran principalmain sin plazzals en il liber. Ellas ed els lavuran en l'autezza e ston sa segirar correspundentamain, per exempel cun puntanadas u cun sugas. Durant la lavur portan ellas ed els vestgadira da protecziun respectiva, sco chalzers e chapellinas. Lur temps da lavur èn regulars.
Constructuras e constructurs da fatschadas lavuran en manaschis da la branscha da la mantellada d'edifizis, en interpresas da construcziun cun ina partiziun da construcziun da fatschadas u en manaschis d'industria che produceschan ils elements per mantelladas d'edifizis. Il basegn da mantelladas d'edifizis e da fatschadas effizientas areguard l'energia è grond e crescha ad in crescher. Las perspectivas professiunalas per persunas spezialisadas èn perquai bunas.