Zum Titel springen

Lainari / Lainaria AFQ

Lainaris e lainarias construeschan e saneschan ils interiurs e las parts dadora da divers edifizis da lain. Els erigian tetgaglia, bajegian chasa da lain, clavàs, hallas  da sport, punts e fatschadas. Els construeschan stgalas ed ischs, tavlegian paraids e tetgs, mettan palantschieus, monteschan fanestras ed isoleschan chasas.

Lavurs

Els exequeschan suandantas lavurs:

Lavuratori
  • prender las mesiras, designar plans e skizzas, a maun u al computer cun agid da programs da CAD (computer-aided design)
  • eleger lain adattà, calcular con lain ch'i dovra ed al empustar tar la resgia u tar il commerzi da laina
  • marcar e preparar  il lain per l'elavuraziun
  • dar la furma giavischada al lain cun maschinas e guaffens: resgiar, fresar, splanar e furar
  • tractar il lain, p.ex. dar si lac u impregnar el
  • deponer ils elements fabritgads correctamain ed als pinar per il transport al plazzal, als nudar e numerar
  • garantir la segirezza al plaz da lavur
Plazzal
  • preparar ils guaffens, ils apparats e las maschinas ed als transportar ensemen cun ils elements da lain al plazzal
  • montar ils elements da lain e construir ils edifizis da lain, sco tetgaglia, cuvridas da palantschieus sura e paraids, stgalas, balcuns, roms da las fanestras e plattas d'isolaziun
  • montar rasadas da protecziun, isolaziun termica ed insonorisaziun, sco er  ulteriurs elements da construcziun (fotovoltaica e collecturs solars)
  • remplazzar tocs da lain tar reparaturas e renovaziuns u reparar tocca existenta, far tgira da lain
  • reciclar rument u al dismetter tenor las perscripziuns
  • mantegnair ils guaffens, ils apparats e las maschinas
  • enconuscher e far diever dals da protecziun da l’ambient e da la segirezza da lavur

Scolaziun

Basa legala

Ordinaziun federala dals 5-8-2013 (Versiun dal 1-1-2018)

Durada

4 onns

Furmaziun en la pratica

En ina lainaria resp. en ina interpresa da construcziun en lain

Furmaziun en scola

1 di per emna a la scola professiunala

Roms professiunals

  • preparar las lavurs
  • prefabritgar elements da construcziun
  • auzar las construcziuns da lain
  • prefabritgar elements da construcziun
  • montar stresas da protecziun edisolaziuns
  • montar tavlegiadas / sutconstrucziuns
  • montar elements prefabritgads
  • Curs ordaifer il manaschi

    Emprender ed exercitar en moda pratica las basas professiunalas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "lainari / lainaria AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • imaginaziun dal spazi
  • chapientscha tecnica
  • gronda abilitad da lavurar en in team
  • sanadad robusta
  • forza corporala e movibladad
  • nagin sturnizi

Furmaziun supplementara

Curs

purschidas da scolas spezialisadas e professiunalas sco era da l’Associaziun svizra dals maisters scrinaris e fabricants da mobiglias ASSFM

Furmaziun da basa scursanida

p.ex. scrinari / scrinaria AFQ, dissegnader / dissegnadra AFQ

Examen professiunal (EP)

polier / poliera da construcziuns en lain cun certificat professiunal federal,
capolavurer / capolavurera da construcziuns en lain cun certificat professiunal federal
spezialist / spezialista da lain cun certificat professiunal federal

Examen professiunal superiur (EPS)

maister / maistra da construcziuns en lain

Scola spezialisada superiura (SSS)

tecnicist / tecnicista dipl. SSS en tecnica da laina, approfundaziun construcziuns en lain

Scola auta spezialisada (SAS)

studis en secturs spezials parentads, p.ex. Bachelor of Science (SAS) en tecnica da laina, architectura u inschigneria per fatgs da construcziun. Tut tenor scola auta professiunala valan differentas cundiziuns d'admissiun.

Cundiziuns da lavur

Lainaris e lainarias lavuran en lainarias, interpresas da construcziun en lain sco era en interpresas da construcziun auta e bassa.

Per il solit lavuran els en teams e coordineschan lur lavurs cun autras persunas dal fatg sin il plazzal. Els ston resguardar rigurus reglaments da segirezza e purtar equipament da protecziun (chalzers da segirezza, chapellina, tschintas e guants). Els lavuran savens ordador. Il temps da lavur po esser malregulà. L'industria da lain svizra crescha e la materia prima lain è favuraivla a l'ambient ed al clima. Per consequenza èn persunas da lavur qualifitgadas tschertgadas sin la fiera da lavur.

Ulteriuras infurmaziuns

Holzbau Schweiz
Schaffhauserstr. 315
8050 Turitg
Tel: +41 44 253 63 93
URL: www.holzbau-schweiz.ch



berufsberatung.ch