Tschentapalantschieus-tschentaparchets AFQ
Tschentapalantschieus-tschentaparchets AFQ
Correspunda questa professiun a mai?![[object Object],[object Object]](https://media.sdbb.ch/transform/05f01e67-15e8-4b36-a54f-4f16a49091dd/BodenParkettlegerEFZ-HH-2103-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1050.–
3. onn d’emprendissadi: CHF 1300.–
Tschentapalantschieus-tschentaparchets mettan palantschieus da lain, da laminat, da linoleum, da materia sintetica, da cautschuc e da corc sco er da tarpuns. Els s’occupan er da las construcziuns da basa, reparaturas e tractaments da la surfatscha.
Incumbensas
- leger e chapir plans, dissegns ed instrucziun dals patruns
- cussegliar la clientella tar l'elecziun dal material per il palantschieu, cussegliar la colur ed ils musters, mirar ensemen catalogs e musters
- mesirar surfatschas che vegnan tschentadas, calcular la quantitad dal material, scriver las calculaziuns dals custs, fixar termins
- empustar material, organisar transport e deposit
- examinar il fundament, sche necessari allontanar vegls funds
- preparar, gulivar, glimar, nettegiar e reparar la surfatscha sch'i fa basegn
- dar si ina pictura da fund, spategliar, sigillar e construir ina construcziun da fundament sco er adattar l'isolaziun da chalur e tun
- rullar ora funds textils u elastics (tarpuns, linoleum, cautschuc), metter si cola, tschentar sisur sdrimas tagliadas, pressegiar cun ina splattitscha fin ch'ellas tatgan perfetgamain e guardar per ina cusadira netta e quasi invisibla
- tschentar parchets (ord ruver, fau, fraissen u auter lain) palantschieus da corc e laminat, coordinar bain las colurs, crear musters, tatgar u enguttar, resgiar nua ch'i fa basegn
- montar glistas e profils da finiziun (urs da scalas, savas da l'isch)
- dar si spezials meds per funds extraordinaris per levgiar la tgira dal palantschieu
- glimar, sigillar, dar en tschaira u ieli als palantschieus
- enconuscher e duvrar correctamain guaffens e maschinas
- dismetter il rument adattà al ambient u al reciclar
- enconuscher e far diever da las perscripziuns per la segirezza da lavur e la protecziun da l'ambient
Ambient da lavur
Tschentapalantschieus-tschentaparchets lavuran oravant tut en manaschis spezialisads da palantschieus e/u da parchet sco er en manaschis da decoraziun d’interiurs. La plipart da questas interpresas industrialas fan palantschieus textils ed elastics sco er palantschieus da lain.
Pussaivladads d’engaschament datti er tar interpresas commerzialas, nua che tschentapalantschieus-tschentaparchets lavuran sco cussegliaders tecnics u sco disponents. Damai ch'els fan lur lavur cunzunt en schanuglias portan els protecturs da schanuglias. Encunter pulvra e canera sa protegian els cun mascra e protecziun d'udida.
Els han bunas schanzas sin il martgà da lavur. Cun ina scolaziun da basa scursanida mintgamai en l’autra direcziun megliereschan els lur pussaivladads da lavur.
Pretensiuns e interess
- Moda da lavurar independenta
- Imaginaziun tridimensiunala
- Prontezza d'esser savens sin viadi
- Senn per igiena e per nettezza
- Nagins disturbis da vesair colurs
- Moda da lavurar conscienziusa ed exacta
- Senn per estetica
- Lavurar cun ils mauns
- Esser corporalmain activ
- Lavurar cun taila, tgirom e palpiri
Scolaziun
En in manaschi spezialisà da palantschieus e/u da parchet u en in manaschi da decoraziun d’interiurs
1 di per emna a la scola professiunala
Emprender ed exercitar las basas professiunalas a moda pratica
3 onns
- Palantschieus textils ed elastics
- Parchets
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Tschentapalantschieus-tschentaparchets AFQ
Furmaziun cuntinuonta
Curs
Purschidas da scolas spezialisadas e professiunalas sco er da l’associaziun BodenSchweiz e da l’associaziun d'interess da l'industria da parchets svizra
Scolaziun da basa scursanida
Furmaziun supplementara dad 1 onn en l’autra direcziun da professiun (palantschieus textils u elastics resp. parchets)
Examinaziun da la federaziun
Manader / manadra da team dal plazzal
Examen professiunal (EP)
Cun certificat professiunal federal p.ex. schef tschentaplattas tschentaplattas, cussegliadra da palantschieus
Examen professiunal superiur (EPS)
Maister tschentaplattas / maistra tschentaplattas
Scola spezialisada superiura (SSS)
Curs da furmaziun en direcziuns spezialas parentadas, p.ex. tecnicher / tecnicra dipl. SSS surveglianza da construcziun, approfundaziun architectura d’interiurs
Scola auta spezialisada (SAS)
Studis en direcziuns spezialas parentadas, p.ex. Bachelor of Arts (SAS) en architectura d’interiurs. Tut tenor scola auta spezialisada valan differentas cundiziuns d'admissiun.
Professiuns sumegliantas
