![[object Object],[object Object]](https://media.sdbb.ch/transform/2052c507-9604-4c00-90d5-e4c260f245a5/Zimmerin-MB-110-jpg?io=transform:fill,width:740,height:490)
1. onn d’emprendissadi: CHF 814.–
2. onn d’emprendissadi: CHF 1061.–
3. onn d’emprendissadi: CHF 1440.–
4. onn d’emprendissadi: CHF 1838.–
Sco lainaria u lainari construeschas e reparas ti edifizis da lain sco chasas, clavads, fatschadas u punts. Ti installeschas tetgaglias, pia las puntanadas d'in tetg, fas stgalas e portas. Ti fixeschas aissas da lain vi da paraids e palantschieus sura. Ultra da quai mettas ti palantschieus, installeschas fanestras ed isoleschas chasas.
Incumbensas
- far mesiraziuns, dissegnar plans e skizzas, a maun u al computer cun programs CAD
- tscherner la laina adattada, calcular la quantitad da laina necessaria ed empustar quella tar ina resgia u tar fatschentas da laina
- mesirar, far marcaziuns e tagliar laina
- elavurar elements da laina cun differentas maschinas e differents utensils, p.ex. resgiar, furar u splanar
- tractar la laina, p.ex. dar si lac
- preparar, nudar ed eventualmain numerar elements da lain finids per il transport sin il plazzal
- preparar utensils, auzaders e maschinas ed als transportar ensemen cun ils elements da lain sin il plazzal
- montar elements da lain ed eriger construcziuns da lain, p.ex. tetgaglias, tavlegiads e tavladiras dal palantschieu sura, stgalas u roms da fanestras
- montar stresas da protecziun, isolaziuns termicas ed acusticas sco er elements da construcziun supplementars, sco p.ex. collecturs solars
- remplazzar elements da lain u reparar parts existentas e tgirar il lain en cas da renovaziuns
- mantegnair utensils, apparats e maschinas
- applitgar las reglas da la protecziun da l'ambient e da lavur
Ambient da lavur
Sco lainaria u lainari lavuras ti en lavuratoris e sin plazzals. En quest connex portas in equipament da protecziun, sco p.ex. chalzers cun chapitsch d'atschal, chapellina u tschintas per sa segirar. Ti lavuras savens en teams. Tia lavur dependa fermamain da l'aura. Pervia da quai stos ti coordinar tia lavur cun las autras persunas spezialisadas sin il plazzal.
Ti lavuras en lainarias da tuttas grondezzas u en manaschis industrials che sa spezialiseschan sin prefabricats u sin la construcziun da chasas. Suenter intgins onns experientscha professiunala e cun la furmaziun supplementara correspundenta pos ti surpigliar posiziuns directivas, p.ex. sco manadra d'in lavuratori, capolavurer da construcziun en lain u poliera da construcziun da lain.
Pretensiuns e interess
- Inschign manual
- Imaginaziun tridimensiunala
- Dun per cifras
- Resistenza corporala
- Resistenza a la temperatura u a l'aura
- Senza sturnizi
- Abilitad da lavurar en in team
- Elavurar lain
- Planisar, construir, far dissegn tecnic
- Esser corporalmain activ
- Lavurar en il team
- Lavurar cun maschinas
Scolaziun
Furmaziun pratica en ina lainaria u ina interpresa da construcziun en lain: 4 dis per emna
1 di per emna en las scolas professiunalas spezialisadas chantunalas
En plirs chantuns: 48 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Lainari / Lainaria AFQ
Furmaziun cuntinuonta
Curs
Curs da l'associaziun Construcziun en lain Svizra
Emprendissadi supplementar
Sco lainaria e lainari AFQ pos ti per regla far in emprendissadi scursanì da scrinaria u scrinari AFQ, dissegnadra u dissegnader AFQ ubain installatura u installatur d'implants solars AFQ.
Examen professiunal (EP)
- Polier / Poliera da construcziun da lain EP
- Capolavurer / Capolavurera da construcziun en lain EP
- Spezialist / Spezialista da lain EP
Examen professiunal superiur (EPS)
- Impressari / Impressaria da laina EPS
Scola spezialisada superiura (SSS)
- Tecnicist / Tecnicista da lain dipl. SSS construcziun en lain
- Manader / Manadra da construcziun en lain SSS
Scola auta spezialisada (SAS)
- Bachelor of science en tecnica da lain
Tut tenor la scola auta spezialisada valan differentas cundiziuns d'admissiun.
Professiuns sumegliantas
