Cuvratetgs AFQ
Cuvratetgs AFQ
![[object Object],[object Object]](https://media.sdbb.ch/transform/078f2a4c-bc04-41ea-a872-08b133451ac9/GH-Dachdeckerin-NF-116-jpg?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1200.–
3. onn d’emprendissadi: CHF 1400.–
Sco cuvratetgs isoleschas e staupas ti tetgs tar edifizis novs e tar renovaziuns. Uschia protegias ti edifizis cunter plievgia, vent e naiv sco er perdita d'energia. Tut tenor la furma dal tetg ed il tip d'edifizi mettas ti quadrels da terracotga u plattas da fibrocement, da metal u da plattamorta natirala.
Incumbensas
- leger plans e resguardar las particularitads dals tetgs che vegnan cuvrids
- tscherner il material adattà per la furma dal tetg e resguardar en quest connex l'effizienza energetica e l'aspect
- mesirar ils tetgs e calcular ed empustar la quantitad dal material necessari
- transportar il material e deponer sin il plazzal
- construir puntanadas sin il plazzal, montar auzaders da construcziun e stgalas sco er segirar il plazzal
- planisar, co che las plattas vegnan tschentadas sin ils tetgs
- installar isolaziuns tenor l'instrucziun dals producents
- colliar las differentas stresas cun il suttetg e planisar plazza per chamins, indrizs solars u cucheras
- metter, adattar e tagliar egualmain ils quadrels dal tetg
- metter plattas undegiadas u plattas sin edifizis industrials, colliar ellas ina cun l'autra e buglir
- montar indrizs solars e preparar per la colliaziun
- terminar las lavurs, controllar la qualitad e scriver rapports
- nettegiar ils tetgs ed en cas da basegn als sanar
- isolar sfessas, allontanar e remplazzar plattas e quadrels donnegiads
- dismetter ils ruments en moda ecologica
- tegnair en urden utensils e maschinas
Ambient da lavur
Sco cuvratetgs lavuras ti sin plazzals ed es da mintga aura ora en il liber. Ti lavuras en l'aut sin tetgs u sin puntanadas e savens en posiziuns malempernaivlas. Perquai portas ti in equipament da protecziun cun egliers, chapellina, guants e chalzers da segirezza. La stad datti per regla dapli lavur che l'enviern.
Ti lavuras en manaschis da la branscha da mantelladas d'edifizis u en manaschis da mantellada d'edifizis e da tolaria. En quest connex sa tracti per gronda part d'interpresas pitschnas e mesaunas. Suenter in'experientscha professiunala d'intgins onns pos ti surpigliar posiziuns da gronda responsabladad, p.ex. manar in team u lavurar sco maistra u maister mantellada d'edifizis.
Pretensiuns e interess
- Senza sturnizi
- Inschign manual
- Imaginaziun tridimensiunala
- Abilitad da lavurar en in team
- Resistenza corporala
- Resistenza a la temperatura u a l'aura
- Prontezza d'esser savens sin viadi
- Lavurar en il liber
- Lavurar cun ils mauns
- Esser corporalmain activ
- Lavurar cun arschiglia, crap e vaider
Scolaziun
Furmaziun pratica en in manaschi da la branscha da mantelladas d'edifizis
Curs da bloc dad 8 emnas per onn al Center da furmaziun Polybau ad Uzwil (SG)
Uzwil: 36 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Cuvratetgs AFQ
Furmaziun cuntinuonta
Curs
Curs dal Center da furmaziun Polybau
Emprendissadi supplementar
Sco cuvratetgs AFQ pos ti per regla far in emprendissadi scursanì dad isolatura u isolatur AFQ, constructura u constructur da fatschadas AFQ, constructura u constructura da puntanadas AFQ, installatura u installatur d'implants solars AFQ u da spezialista u spezialist per tecnica da parasulegl e storas AFQ.
Examen professiunal (EP)
- Manader / Manadra da construcziun mantellada d'edifizis EP
Examen professiunal superiur (EPS)
- Maister / Maistra mantellada d'edifizis EPS
Scola spezialisada superiura (SSS)
- Tecnicist / Tecnicista SSS surveglianza da construcziun
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
