Practicista cuvratetgs AFP
Practicist cuvratetgs AFP
![[object Object],[object Object]](https://media.sdbb.ch/transform/7e6ada53-0c79-4bc3-abbc-915d67de910b/GH-Dachdeckerin-NF-113-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1100.–
Sco practicista u practicist cuvratetgs isoleschas e staupas ti tetgs, per ch'els sajan protegids cunter plievgia, vent e naiv e spargnian energia. Ti tschentas quadrels da terracotga, plattas da metal u da plattamorta sin edifizis novs u renovads.
Incumbensas
- preparar il material, ils guaffens ed ils apparats tenor las instrucziuns
- chargiar e segirar ils vehichels
- transportar il material e deponer correctamain sin il plazzal
- gidar ad endrizzar las maschinas ed a segirar la plazza da lavur
- gidar a selecziunar il dretg material per cuvrir ils tetgs, p.ex. quadrels da terracotga, plattas da metal u plattamorta
- mesirar las surfatschas dal tetg e dissegnar simpels plans
- fixar cun struvas subconstrucziuns or da lattas da lain e montar isolaziuns, quai vul dir material d'isolaziun
- tagliar quadrels e plattas e metter quels sin il tetg
- renovar, nettegiar tetgs ed isolar sfessas
- remplazzar quadrels donnegiads u auter material
- observar las prescripziuns davart la protecziun da lavur
- far lavurs da finiziun vi da chavas e colliaziuns
- far urden sin il plazzal
- scriver rapports da lavur
- tegnair en urden ils guaffens ed ils apparats
- dismetter ils ruments en moda ecologica
Ambient da lavur
Sco practicista u practicist cuvratetgs lavuras ti sin plazzals ed es da mintga aura ora en il liber. Ti lavuras en l'aut sin tetgs e savens en posiziuns malempernaivlas. A la lavur portas ti in equipament da protecziun cun chapellina, egliers da protecziun, guants e chalzers da segirezza. Tes temps da lavur pon sa midar tut tenor la stagiun. La stad datti per regla dapli lavur che l'enviern.
Ti lavuras en in manaschi da cuvratetgs u en in auter manaschi da la branscha da mantelladas d'edifizis. En quest connex sa tracti per il solit d'interpresas pitschnas e mesaunas.
Pretensiuns e interess
- Senza sturnizi
- Inschign manual
- Moda da lavurar conscienziusa ed exacta
- Resistenza corporala
- Resistenza a la temperatura u a l'aura
- Senn per moviments e per coordinaziun
- Abilitad da lavurar en in team
- Lavurar en il liber
- Lavurar cun ils mauns
- Esser corporalmain activ
- Lavurar cun arschiglia, crap e vaider
- Esser savens sin viadi
Scolaziun
La scolaziun vegn fatga sco emprendissadi en in manaschi.
Furmaziun pratica en in manaschi da la branscha da mantelladas d'edifizis
Curs da bloc dad 8 emnas per onn al Center da furmaziun Polybau ad Uzwil (SG)
Uzwil: 22 dis durant 2 onns
2 onns
Terminà la scola obligatorica
Practicist / Practicista cuvratetgs AFP
Furmaziun cuntinuonta
Curs
Curs dal Center da furmaziun Polybau
Emprendissadi supplementar
Sco practicista u practicist cuvratetgs AFP pos ti per regla far in furmaziun professiunala da basa scursanida da cuvratetgs AFQ.
Professiuns sumegliantas
