Practicist da montascha per tecnica da parasulegl e storas AFP
Practicista da montascha per tecnica da parasulegl e storas AFP
![[object Object],[object Object]](https://media.sdbb.ch/transform/d53bc3ff-86b4-4c8b-a019-5149c228b19f/MontPraktiker-TR-5332-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1100.–
Sco practicista u practicist da montascha per tecnica da parasulegl e storas monteschas ti storas. Ti lavuras tant tar edifizis novs sco er tar renovaziuns. Sut l'instrucziun da persunas spezialisadas per tecnica da parasulegl e storas installeschas ti storas automaticas u che vegnan manadas a maun.
Incumbensas
- preparar il material, ils urdains ed ils apparats tenor instrucziun
- chargiar e fixar il material sin ils vehichels
- depositar il material en moda correcta sin il plazzal
- endrizzar la plazza da lavur tenor las prescripziuns
- mesirar las surfatschas e las distanzas sco er far skizzas
- montar las lingias, las storas ed autras parts tenor instrucziun
- observar las reglas per la segirezza a la lavur
- far urden sin il plazzal
- scriver rapports da lavur
- prender dapart las storas e remplazzar las parts ruttas
- gidar a meglierar u ad automatisar las storas existentas
- tegnair en urden ils guaffens ed ils apparats
- dismetter il rument
Ambient da lavur
Sco practicista u practicist da montascha per tecnica da parasulegl e storas lavuras ti sin plazzals ed en connex cun renovaziuns en edifizis, p.ex. biros u abitaziuns. Tes temps da lavur èn savens regulars. Mintgatant stos ti lavurar pli ditg, per che edifizis vegnian terminads a temp.
Ti lavuras en manaschis pitschens u mesauns, ch'èn spezialisads sin storas e sin la protecziun cunter il sulegl. Las perspectivas professiunalas èn bunas.
Pretensiuns e interess
- Inschign manual
- Chapientscha tecnica
- Senza sturnizi
- Abilitad da lavurar en in team
- Imaginaziun tridimensiunala
- Resistenza corporala
- Resistenza a la temperatura u a l'aura
- Plaschair dal contact cun glieud
- Lavurar cun ils mauns
- Lavurar en il liber
- Lavurar en moda exacta
- Esser savens sin viadi
- S'occupar cun electricitad ed electronica
Scolaziun
La scolaziun vegn fatga sco emprendissadi en in manaschi.
Furmaziun pratica en in manaschi da la branscha da las mantelladas d'edifizis
Curs da bloc dad 8 emnas per onn al Center da furmaziun Polybau ad Uzwil (SG)
Center da furmaziun Polybau, Uzwil: 25 dis durant 2 onns
2 onns
Terminà la scola obligatorica
Practicist / Practicista da montascha per tecnica da parasulegl e storas AFP
Furmaziun cuntinuonta
Curs
Curs dal Center da furmaziun Polybau
Emprendissadi supplementar
Sco practicista u practicist da montascha per tecnica da parasulegl e storas AFP pos ti per regla far in emprendissadi scursanì da spezialista u spezialista per tecnica da parasulegl e storas AFQ.
Professiuns sumegliantas
