Practicist da construcziun en metal AFP
Practicista da construcziun en metal AFP
Correspunda questa professiun a mai?![[object Object],[object Object]](https://media.sdbb.ch/transform/e51fa062-1797-443d-b945-76f5a34ce301/matallbaupraktiker_n_s_0494-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 800.–
Sco practicista u practicist da construcziun en metal produceschas e monteschas ti parts da metal. Da quai fan part portas, fanestras, balcuns, stgalas e puntanadas da metal. Constructuras e constructurs da metal t'accumpognan tar tia lavur. Ti lavuras cunzunt cun atschal ed aluminium. L'emprim construeschas ti las parts en il lavuratori. Alura gidas ti a las transportar sin il plazzal ed a las montar là.
Incumbensas
- prender encunter incumbensas, leger plans da construcziun
- dissegnar simplas skizzas e controllar, sch'il product è realisabel
- tscherner il metal adattà e guardar p.ex. il tip da profil, quel po esser radund u rectangular
- mesirar exactamain e far marcaziuns
- resguardar divergenzas da la prescripziun permessas
- controllar e stgargiar las furniziuns da material, preparar il material per il plazzal
- tagliar, furar e mular tolas e fists da metal
- manevrar indrizs automatics
- colliar parts, p.ex. cun buglir, struvegiar, rebatter u tatgar
- tractar surfatschas, p.ex. cun meds cunter ruina
- proveder portas e fanestras: integrar isolaziuns e montar serradiras, maniglias u serraportas
- nettegiar regularmain e mantegnair ils utensils, las maschinas ed il lavuratori
- demontar las parts d'in edifizi che ston vegnir renovadas
- gidar ad auzar e plazzar parts grondas cun la crana u cun auzaders
- montar ed adattar elements al dretg lieu
- francar elements da construcziun, p.ex. cun struvas, cun tajas da struvas u cun francaziuns chemicas
- bajegiar en portas, fanestras, stgalas, spundas ed autras parts da la fatschada
- isolar chavas cun silicon u cun bindels d'isolar
Ambient da lavur
Sco practicista u practicist da construcziun en metal lavuras ti en il lavuratori u sin il plazzal. Ti lavuras en in team e coordineschas tias incumbensas cun autras spezialistas ed auters spezialists. La lavur è mintgatant dad aut. Per ta proteger has ti egliers da protecziun, chapellina, protecziun d'udida e chalzers da segirezza. Sin il plazzal dependa tia lavur da l'aura.
Ti lavuras principalmain en interpresas pitschnas e mesaunas dals fatgs da construcziun u da l'elavuraziun da metals. En la construcziun en metal datti differentas interpresas: Intginas persunas lavuran en artisanadi e produceschan parts da metal a maun, autras produceschan cun maschinas modernas en gronda seria. Ti pos ta spezialisar sin tschertas tecnicas u materialias, p.ex. fatschadas da metal u da vaider, construcziuns d'atschal u lavurs da ferrer.
Pretensiuns e interess
- Inschign manual
- Imaginaziun tridimensiunala
- Chapientscha tecnica
- Moda da lavurar conscienziusa ed exacta
- Resistenza corporala
- Gronda toleranza da canera
- Senza sturnizi
- Abilitad da lavurar en in team
- Elavurar metal
- Lavurar cun ils mauns
- Esser corporalmain activ
- Lavurar en moda exacta
- Planisar, construir, far dissegn tecnic
Scolaziun
La scolaziun vegn fatga sco emprendissadi en in manaschi u en ina scola a temp cumplain.
furmaziun pratica en in manaschi da la branscha d'atschal, da metal, da fanestras u da construcziun da fatschadas: 4 dis per emna
1 di per emna en las scolas professiunalas spezialisadas chantunalas
en plirs chantuns: 26 dis durant 2 onns
2 onns
- terminà la scola obligatorica
- intgins manaschis pretendan in test da qualificaziun
Practicist / Practicista da construcziun en metal AFP
Furmaziun cuntinuonta
Curs
Purschidas dad AM Suisse
Emprendissadi supplementar
Sco practicista u practicist da construcziun en metal pos ti per regla far in emprendissadi scursanì da constructura u constructur da metal AFQ.
Eveniments
Professiuns sumegliantas
