Practicista da mecanica AFP
Practicist da mecanica AFP
![[object Object],[object Object]](https://media.sdbb.ch/transform/3cf6482a-06db-4b1e-b8cb-a7af2d834125/BE_13_Mechanikpraktiker_LV-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
Practicistas e practicists da mecanica elavuran materials cun agid da differents urdains, apparats e da differentas maschinas. Ellas ed els monteschan differents elements che vegnan duvrads per producir apparats, maschinas ed elements da construcziun.
Incumbensas
La nova ordinaziun da furmaziun davart la professiun Practicist / Practicista da mecanica AFP è en vigur dapi il 1. da schaner 2026. Questa descripziun da la professiun vegn actualisada proximamain.
- preparar ed elavurar tolas, astas e materias sinteticas
- elavurar elements da construcziun, p.ex. fresar, punschar, batter e storscher
- buglir, struvegiar, martellar ils elements
- controllar la regulaziun da las maschinas
- munir las maschinas, p.ex. cun astas da metal
- producir elements da construcziun cun agid da maschinas dirigidas dal computer
- controllar la qualitad dals elements elavuradas
- montar tocs u elements da construcziun
- controllar, sche la construcziun funcziunescha
- survegliar las cundiziuns da manaschi da las maschinas e dals indrizs, p.ex. guardar, che las maschinas ed ils indrizs na sajan betg memia chauds u ch'i na sa sviluppia betg memia blera pressiun
- far lavurs da mantegniment e da reparatura
- dismetter u reciclar ecologicamain ruments, sco p.ex. ieli vegl, aua da sfradentar u stalizzas
- reparar ils donns dals apparats da producziun
- barattar las parts defectas
Ambient da lavur
Practicistas e practicists da mecanica lavuran en lavuratoris cun differents urdains ed indrizs e cun differentas maschinas. Ellas ed els portan in equipament da protecziun respectiv sco egliers e guants. Las uras da lavur èn regularas.
Practicistas e practicists da mecanica lavuran en emprima lingia en manaschis da l'industria da maschinas, d'electro e da metal. La purschida da plazzas d'emprendissadi è buna. Suenter l'emprendissadi chatta la gronda part dals practicists e da las practicistas da mecanica ina plazza. Savens èn ellas ed es spezialisads en in gener da producziun specific e ston s'adattar als svilups tecnologics e sa perfecziunar.
Pretensiuns e interess
- Inschign manual
- Chapientscha tecnica
- Moda da lavurar sistematica
- Moda da lavurar conscienziusa ed exacta
- Resistenza corporala
- Gronda toleranza da canera
- Abilitad da lavurar en in team
- Elavurar metal
- Schliar incumbensas tecnicas
- Lavurar cun ils mauns
- Lavurar cun maschinas
- Lavurar en moda exacta
- Esser corporalmain activ
Scolaziun
En in manaschi da la branscha da maschinas, d'electro e da metal.
1 di per emna en la scola professiunala spezialisada.
Emprender, approfundar ed exercitar las basas professiunalas, 28 dis durant 2 onns.
• Scola tecnica spezialisada, Berna
• Scola tecnica spezialisada, Bienna (BE)
Dapli infurmaziuns:
URL: www.berufsberatung.ch/schulen
2 onns
Terminà la scola obligatorica cun pretensiuns da basa
Practicist / Practicista da mecanica AFP
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas, da Swissmem, swissmem-academy, e da Swissmechanic, smc.tocco.
Emprendissadi supplementar
Practicists / Practicistas da mecanica AFP pon per regla far in emprendissadi scursanì sco Mecanist / Mecanista da producziun AFQ. Suenter pon ellas ed els absolver las medemas furmaziuns supplementaras sco Mecanists / Mecanistas da producziun AFQ.
Professiuns sumegliantas
