Elavuratur da materia sintetica AFP
Elavuratura da materia sintetica AFP
![[object Object],[object Object]](https://media.sdbb.ch/transform/eb0cb3cc-6eb7-4b48-a126-903e7a30f799/kunsstofftechnologe-n_m_0182-jpg-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 840.–
Elavuraturas ed elavuraturs da materia sintetica fabritgeschan products da materia sintetica. Els survegnan lur incaricas da lur superiurs. Els fan ir maschinas ch'èn necessarias per la producziun da products da materia sintetica, els surveglian quellas e termineschan las incaricas.
Incumbensas
- fabritgar or da differentas sorts da materia sintetica differents products sco artitgels medicinals, apparats per il tegnairchasa, emballadis u cumponentas per l'industria d'autos, da maschinas u da l'aviatica
- producir ils products da materia sintetica a maun u cun agid da proceduras automatisadas, per exempel cun metodas da squitschar 3D, stritgar e sprizzar, laminar, buglir, elavurar a moda termica resp. mecanica
- preparar ed examinar avant la producziun las maschinas, il plaz da lavur ed ils utensils necessaris
- far ir ils indrizs da high-tech e surpigliar tut las configuraziuns tenor las instrucziuns
- survegliar il process da la producziun ed eliminar disturbis vid la maschina u rapportar ella a la persuna responsabla
- mantegnair las maschinas ed ils indrizs e far quità latiers dals products da materia sintetica e las maschinas savens charas
- discurrer davart ils problems cun las autras partiziuns ed interprender mesiras per che la producziun possia vegnir organisada persistenta ed economica
Ambient da lavur
Elavuraturs ed elavuraturas da materia sintetica lavuran en manaschis industrials ch'elavuran materia sintetica, davent da manaschis pitschens fin concerns ch'èn activs sin palancà internaziunal.
Els survegnan las incaricas da las persunas superiuras e lavuran savens en in team. Elavuraturs ed elavuraturs da materia sintetica en la producziun èn disadas vid engaschaments da lavurar flexibels e vid lavur en squadras.
Pretensiuns e interess
- Inschign manual
- Gronda toleranza da canera
- Savair supportar odurs dischagreablas
- Moda da lavurar conscienziusa ed exacta
- Moda da lavurar sistematica
- Abilitad da lavurar en in team
- Abilitad da s'adattar a novas tecnologias
- Imaginaziun tridimensiunala
- Lavurar cun maschinas
- Schliar incumbensas tecnicas
Scolaziun
En in manaschi industrial ch'elavura materias sinteticas
1 di l'emna a la scola professiunala ad Aarau (AG) u Rapperswil (SG) u S. Imier (BE).
Emprender ed exercitar las basas professiunalas, 22 dis durant 2 onns.
2 onns
Temp da scola obligatoric terminà
Elavuratur / Elavuratura da materia sintetica AFP
Furmaziun cuntinuonta
Curs
Purschidas d’associaziuns e da scolas professiunalas
Tecnolog / Tecnologa da materias sinteticas AFQ
Elavuraturs / elavuraturas da materia sintetica AFP pon frequentar ina furmaziun da basa scursanida sco tecnolog / tecnologa da materias sinteticas AFQ (entrada en il 2. onn da la furmaziun da basa)
Professiuns sumegliantas
