Practicist da furmas AFP
Practicista da furmas AFP
![[object Object],[object Object]](https://media.sdbb.ch/transform/c7169e7a-9622-4e55-8c60-a42a54039ed9/BE_13_Formenbaupraktiker_SL-jpg?io=transform:fill,width:740,height:490)
1. onn d’emprendissadi: CHF 600–700.–
2. onn d’emprendissadi: CHF 700–850.–
Practicists e practicistas da furmas produceschan models e furmas per l’industria. En quest reguard lavuran els cun maschinas ed a maun.
Incumbensas
- leger e chapir dissegns
- adattar levamain ils dissegns e malegiar simpels plans
- planisar temp da lavur e calcular ils custs
- far ina glista dal material (p.ex. lain, metals u materias sinteticas diras u liquidas)
- endrizzar las maschinas ed examinar, schebain ils indrizs èn programmads correctamain
- duvrar differentas tecnicas, per fabritgar furmas e models, p.ex. resgiar, glimar, tatgar, furar, laminar, fresar e storscher, enconuscher e duvrar correctamain differents materials
- siar, endirar e laschar sfradentar las furmas ed alura statgar la reproducziun cun quità
- controllar la qualitad e megliurar sbagls sche necessari
- tatgar u montar ulteriurs elements e tractar las surfatschas
- mantegnair e nettegiar maschinas, guaffens ed il plaz da lavur
- scriver rapports da lavur, archivar la documentaziun
- dismetter u reciclar il rument adattà a l'ambient
- enconuscher e far diever da las perscripziuns per la segirezza da lavur e la protecziun da l'ambient
Ambient da lavur
Practicists da furmas lavuran il pli en manaschis da construcziun da models pli pitschens u mesauns e cularias. La purschida da plazzas d’emprendissadi è plitost stgarsa. En Svizra vegnan scolads per onn mo paucs emprendists.
Practicists da furmas han bunas schanzas da chattar ina plazza da lavur. Els san far lavurs multifaras, perquai ch’els èn disads da lavurar cun different material e differentas maschinas.
Pretensiuns e interess
- Inschign manual
- Imaginaziun tridimensiunala
- Gronda toleranza da canera
- Resistenza corporala
- Moda da lavurar sistematica
- Moda da lavurar conscienziusa ed exacta
- Abilitad da lavurar en in team
- Dun per cifras
- Lavurar cun maschinas
- Elavurar metal
- Lavurar en moda exacta
- Schliar incumbensas tecnicas
Scolaziun
En in manaschi da construcziun da models u da furmas.
1 di per emna a la scola professiunala.
Approfundar la savida, 18 dis durant 2 onns
2 onns
Scola obligatorica terminada cun pretensiuns da basa
Practicist / Practicista da furmas AFP
Furmaziun cuntinuonta
Curs
Purschidas da scolas professiunalas, da SWISS FORM ed autras associaziuns professiunalas
Construider / Construidra da furmas AFQ
Practicists / practicistas da furmas AFP pon far ina furmaziun da basa scursanida sco construider / construidra da furmas AFQ (access al 2. onn da furmaziun da basa).
Suenter èn pussaivlas las medemas furmaziuns supplementaras sco per construiders / construidras da furmas AFQ.
Professiuns sumegliantas
