Practicista da tractament da surfatschas AFP
Practicist da tractament da surfatschas AFP
1. onn d’emprendissadi: CHF 550.–
2. onn d’emprendissadi: CHF 700.–
Practicistas e practicists da tractament da surfatschas perfecziuneschan elements da construcziun da tut gener cun differentas metodas. Ellas ed els surtiran surfatschas p.ex. cun aur, cun argient, cun zinc u cun ina stresa d'oxigen. Uschia protegian ellas ed els ils elements da construcziun. Las practicistas ed ils practicists da tractament da surfatschas manevreschan apparats, maschinas e cranas. Ultra da quai procuran ellas ed els che tut ils pass da lavur vegnian exequids correctamain.
Incumbensas
- barschunar u glischentar elements u als tractar cun sablunaders
- cun l'accent surzinar: sfunsar elements da construcziun en zinc luà per als proteger cunter ruina
- cun l'accent galvanisar: sfunsar elements da construcziun en bogns chemics e vernischar las surfatschas cun crom, zinc, nichel, arom, argient u aur
- cun l'accent anodisar: sfunsar elements da construcziun en bogns chemics e rinforzar uschia las surfatschas p.ex. d'aluminium, titan u magnesium
- auzar elements da construcziun gronds u grevs cun agid d'ina crana en in bogn
- analisar la cumposiziun chemica dal liquid d'in bogn en il labor
- sche necessari, derscher ulteriuras chemicalias en il liquid
- controllar la qualitad dals elements da construcziun durant e suenter il process
- nudar ils sbagls en in rapport ed als annunziar al galvanostegist superiur
- applitgar e deponer correctamain chemicalias e products privlus, p.ex. cun vestgadira da protecziun u en buts
- mantegnair maschinas e meds da producziun, p.ex. cabels electrics e pumpas da filtrar
- dismetter ruments tenor las prescripziuns da segirezza e d'ambient
Ambient da lavur
Practicistas e practicists da tractament da surfatschas lavuran en lavuratoris ensemen cun galvanostegistas. Durant la lavur portan ellas ed els in equipament da protecziun correspundent, sco guants ed egliers. Ellas ed els lavuran cun chemicalias, perquai ston ellas ed els observar reglas severas concernent la segirezza al plaz da lavur e concernent la protecziun da la sanadad e da l'ambient. Per regla han ellas ed els uras da lavur regularas.
Practicistas e practicists da tractament da surfatschas lavuran en manaschis u en partiziuns da galvanostegiar d'interpresas da construcziun da metal e da materias sinteticas. La purschida da plazzas d'emprendissadi è differenta da regiun a regiun.
Pretensiuns e interess
- Moda da lavurar sistematica
- Moda da lavurar conscienziusa ed exacta
- Inschign manual
- Dun per cifras
- Abilitad da lavurar en in team
- Chapientscha tecnica
- Resistenza corporala
- S'occupar cun electricitad ed electronica
- Elavurar metal
- Lavurar cun ils mauns
Scolaziun
En in manaschi da la branscha da galvanostegiar
1 di per emna en la scola professiunala spezialisada
Emprender, approfundar ed exercitar las basas professiunalas, 16 dis durant 2 onns.
2 onns
- Surzinar
- Galvanisar
- Anodisar
Terminà la scola obligatorica
Practicist / Practicista da tractament da surfatschas AFP
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er da la Fundaziun svizra per ils tractaments da surfatschas, FSTS, e da l'Associaziun svizra da l'aluminium, alu.ch.
Emprendissadi supplementar
Practicists / Practicistas dal tractament da surfatschas AFP pon per regla far in emprendissadi scursanì sco Galvanostegist / Galvanostegista AFQ. Suenter pon vegnir absolvidas las medemas furmaziuns supplementaras sco per Galvanostegist / Galvanostegista AFQ.
Professiuns sumegliantas
