Assistent vernischader AFP
Assistenta vernischadra AFP
![[object Object],[object Object]](https://media.sdbb.ch/transform/22ea8b45-22d0-4c8c-b84b-165b53f8c8d4/Industrlackierer-LV-129-JPG?io=transform:fill,width:740,height:490)
1. onn d’emprendissadi: CHF 750–850.–
2. onn d’emprendissadi: CHF 900–1000.–
Assistents vernischaders ed assistentas vernischadras tractan las surfatschas da maschinas e vehichels. Els nettegian ils materials e scuvran las surfatschas che na vegnan betg vernischadas. Els preparan guaffens ed elements da construcziun e gidan ad exequir las ulteriuras preparaziuns da lavur. Els lavuran u en manaschis da carossaria u en l'industria.
Incumbensas
- nettegiar las surfatschas (metal, materia sintetica), schliar la colur, il lac e la ruina
- gulivar, palettar e mular las surfatschas
- unscher e grundar la surfatscha sche necessari
- demontar e montar simpels elements da construcziun
- midar pneus
- preparar las colurs
- calcular la quantitad ch'i dovra per vernischar/dar si lac
- gidar ils vernischaders da carossaria u ils vernischaders industrials da dar si lac cun maschinas e pistolas da sprizzar
- surtrair simpels elements da construcziun
- sientar vehichels, maschinas u tocs vernischads
- enconuscher e resguardar las directivas davart la protecziun da lavur e da l'ambient, dismetter il rument adattà a l'ambient u al reciclar
- pulir e sigillar las lavurs vid ils vehichels
- allontanar pulvra
- exequir reparaturas da vaider a la surfatscha
- preparar elements da construcziun per la spediziun
Ambient da lavur
Assistents vernischaders ed assistentas vernischadras AFP lavuran per ordinari en vernischarias d’auto pli grondas u en manaschis da carossaria u en manaschis industrials cun partiziuns da vernischadi. Intginas lavurs èn privlusas ed els sa vestgeschan cun vestgadira da protecziuns persunals (vestgadira, guants, mascrina)
Pretensiuns e interess
- Inschign manual
- Nagins disturbis da vesair colurs
- Moda da lavurar conscienziusa ed exacta
- Senn per estetica
- Moda da lavurar sistematica
- Senn per igiena e per nettezza
- Resistenza corporala
- Savair supportar odurs dischagreablas
- Lavurar cun ils mauns
- Lavurar en moda exacta
- Lavurar en il team
- Elavurar metal
- Lavurar cun maschinas
Scolaziun
En ina vernischaria, ina vernischaria d’autos u in manaschi da liadira sco era en ina partiziun da vernischadi d’in manaschi industrial
1 di per emna a la scola professiunala
Emprender ed exercitar a moda pratica la basa professiunala
2 onns
- Carossaria
- Industria
Temp da scola obligatoric terminà
Assistent vernischader/ Assistenta vernischadra AFP
Furmaziun cuntinuonta
Curs
Purschidas da scolas spezialisadas e professiunalas sco er dal Schweizerischer Carrosserieverband VSCI
Vernischader / Vernischadra da carossaria AFQ resp. Practicist / Practicista vernischader industrial AFQ
Assistents da vernischada AFP pon absolver ina furmaziun da basa scursanida sco vernischader da carossaria AFQ resp. vernischader industrial AFQ (entrada en il 2. onn da la furmaziun da basa).
Suenter èsi pussaivel da frequentar las medemas furmaziuns supplementaras sco vernischaders da carossaria AFQ resp. vernischaders industrials AFQ.
Professiuns sumegliantas
