Practicist da pictura AFP
Practicista da pictura AFP
![[object Object],[object Object]](https://media.sdbb.ch/transform/5a0e93e7-f791-4257-9a47-9dfb764ceebd/Maler-JE-108-jpg?io=transform:fill,width:740,height:490)
1. onn d’emprendissadi: CHF 700–750.–
2. onn d’emprendissadi: CHF 820–1020.–
Practicists e practicistas da pictura surtiran parts da bajetgs cun colurs e lacs. Grazia ad els vegnan fatschadas, paraids, palantschieus sura, funs, portas, fanestras ed autras parts dal bajetg da colur. Cun lur lavur protegian ed embelleschan els chasas, bajetgs industrials e da commerzi u auters edifizis.
Incumbensas
- calcular la surfatscha e con material che vegn duvrà
- empustar colurs u las maschadar sez per survegnir il tun che la clientella giavischa
- plazzar stgalas, chavalluts, punts u sch'i fa basegn palancaus
- fixar folias da palpiri u da materia sintetica cun bindel da colla per proteger il palantschieu u autras parts che na duajan betg vegnir en contact cun colur
- distatgar tapetas e rasadas da colur veglias u ruina cun spateglias, barschuns, allontanaders da colur u auters guaffens
- emplenir rusnas u stgarps, allontanar grass e malgulivezzas, smerigliar e far giu pulvra
- procurar per in sutterren sitg e net e consultar auters spezialists sch'i è necessari
- dar si colur e lac cun il penel , zullas u cun la pistola da squittar, savens cun pliras rasadas (grundar emprim, alura cuvrir)
- applitgar isolaziuns, liadiras, structuras da surfatscha u spezialas decoraziuns, tut tenor giavisch er producir sez elements decorativs sco relievs u figuras geometricas
- tatgar u fixar tapetas, tailas u auters revestgiments vid las paraids
- nettegiar il plazzal, ils guaffens ed il material, dismetter il rument a moda adattada a l’ambient
- resguardar las prescripziuns da la segirezza da lavur e da la protecziun da l'ambient
Ambient da lavur
Practicists e practicistas da pictura lavuran en manaschis da picturs. I sa tracta per regla da manaschis pitschens u mesauns. Sco lieu da lavur vegn plinavant en dumonda l’industria da colurs e da lacs.
Pretensiuns e interess
- Inschign manual
- Imaginaziun tridimensiunala
- Nagins disturbis da vesair colurs
- Dun per cifras
- Senza sturnizi
- Prontezza d'esser savens sin viadi
- Senn per igiena e per nettezza
- Resistenza corporala
- Lavurar cun ils mauns
- Dissegnar, decorar, crear
- Esser corporalmain activ
- Esser savens sin viadi
- Lavurar en il team
Scolaziun
En in manaschi da picturs.
1 di per emna a la scola professiunala.
Emprender ed exercitar a moda pratica la basa professiunala, 16 dis durant 2 onns.
Albisbrunn, Zürich
2 onns
Temp da scola obligatoric terminà
Practicist/ Practicista da pictura AFP
Furmaziun cuntinuonta
Curs
Purschidas da scolas spezialisadas e professiunalas sco er dal Schweiz. Maler- und Gipserunternehmer-Verband SMGV
Pictur / Pictura AFQ
Practicists /practicistas da pictura AFP pon absolver ina furmaziun da basa scursanida sco pictura / pictura AFQ (entrada en il 2. onn da la furmaziun da basa).
Suenter èsi pussaivel da frequentar las medemas furmaziuns supplementaras sco picturs / picturas AFQ.
Professiuns sumegliantas
