Practicist da stuccatura AFP
Practicista da stuccatura AFP
![[object Object],[object Object]](https://media.sdbb.ch/transform/7e4a89a2-c788-47b2-98e7-957f2e16956c/011_GipserIn_TrockenbauerIn_EFZ_ALH-jpg?io=transform:fill,width:740,height:490)
1. onn d’emprendissadi: CHF 900–950.–
2. onn d’emprendissadi: CHF 1025–1225.–
Practicistas e practicists da stuccatura preparan il fundament ed isoleschan tal. Ellas ed els maschaidan il gip e stritgan si tal. Cun agid d'utensils tiran ellas ed els guliv il gip ed elimineschan irregularitads.
Incumbensas
- guardar plans ed observar instrucziuns da capolavureras
- mesirar la surfatscha da lavur e determinar il material necessari
- laschar transportar materials e guaffens sin il plazzal e deponer quels là
- controllar il stadi da las paraids e dals palantschieus e sche necessari far emprimas lavurs preparatoricas, p.ex. isolar paraids
- cuvrir elements, p.ex. bischens u conducts, e cuvrir il fundament, p.ex. cun ina folia u cun crep da pictur
- far lavurs da liadira vi da paraids internas e palantschieus sura, a maun u cun utensils e cun maschinas pitschnas
- installar paraids construidas a sitg ord plattas da gip u auters materials
- montar roms da metal vi da palantschieus sura e struvegiar plattas da gip prefabritgadas vi da tals
- montar mantelladas da fatschadas vi da paraids exteriuras
- isolar paraids e palantschieus sura e proteger talas da fieu e d'umiditad
- decorar las surfatschas cun stuccaturas (ornaments)
- en cas da lavurs da renovaziun: demontar stresas da liadira u paraids da separaziun e reparar surfatschas donnegiadas e stuccaturas
- metter en urden la plazza da lavur
- nettegiar e tegnair en urden ils guaffens
- dismetter en moda ecologica materials e ruments
Ambient da lavur
Practicistas e practicists da stuccatura lavuran da tutt'aura sin plazzals, e quai tant dadensvart sco ora en il liber. Ellas ed els collavuran cun autra glieud da professiun da la branscha da construcziun. Durant lur lavur portan ellas ed els in equipament da protecziun, sco chapellinas e chalzers cun chapitsch d'atschal. Lur temps da lavur èn regulars.
Practicistas e practicists da stuccatura lavuran en manaschis da stuccatura. Il martgà da lavur è bun.
Pretensiuns e interess
- Inschign manual
- Imaginaziun tridimensiunala
- Prontezza d'esser savens sin viadi
- Resistenza corporala
- Dun per cifras
- Nagins disturbis da vesair colurs
- Senn per igiena e per nettezza
- Lavurar cun ils mauns
- Esser corporalmain activ
- Lavurar en il team
- Lavurar cun arschiglia, crap e vaider
Scolaziun
En in manaschi da stuccatura
10 emnas da bloc per onn:
• Center da furmaziun dal ASIPS / SMGV, Wallisellen (ZH)
Emprender, approfundar ed exercitar las basas professiunalas, 20 dis durant 2 onns
2 onns
Terminà la scola obligatorica
Practicist / Practicista da stuccatura AFP
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er da l'Associaziun svizra dals interprendiders picturs e stuccaturs smgv.ch
Stuccatur e construider / Stuccatura e construidra da materialias sitgas AFQ
Practicists / Practicistas da stuccatura AFP pon far ina furmaziun professiunala da basa scursanida sco Stuccatur e construider / Stuccatura e construidra da materialias sitgas AFQ Suenter pon vegnir absolvidas las medemas furmaziuns supplementaras sco per Stuccatur e construider / Stuccatura e construidra da materialias sitgas AFQ.
Professiuns sumegliantas
