Practicista da tschentar plattas AFP
Practicist da tschentar plattas AFP
![[object Object],[object Object]](https://media.sdbb.ch/transform/38524b83-b9f1-4c73-a87f-182a27d30280/plattenleger_r_m_4170-jpg?io=transform:fill,width:740,height:490)
1. onn d’emprendissadi: CHF 620.–
2. onn d’emprendissadi: CHF 750.–
Practicistas e practicists da tschentar plattas mettan plattas per palantschieus e cuvridas da paraids. Els tschentan plattas ord cheramica, mosaic, crappa da natira u artifiziala. Els lavuran en edifizis novs endadens ed ordadora u renoveschan edifizis vegls.
Incumbensas
- mesirar las surfatschas e quintar con material che vegn duvrà
- quintar ils custs, far offertas e planisar termins
- organisar il transport dal material ed al deponer sin il plazzal
- controllar schebain ils palantschieus e las paraids èn gulivs ed impermeabels e prender mesiras sche necessari, p.ex. gulivar las paraids, nivellar ils palantschieus ed als stuppar
- tagliar las plattas exactamain e duvrar latiers differents guaffens sco maschinas per tagliar plattas, fresas a maun, fresas bletschas u zangas spezialas e maschinas da mular chantuns
- maschadar e stritgar si la cola cun ina palutta speziala sin las surfatschas
- tschentar las plattas tenor plans ed instrucziuns dal superiur
- controllar sche las plattas èn tschentadas correctamain e gulivamain e curreger sbagls sche necessari
- emplenir las chavas (spazis tranter las plattas) e duvrar latiers ils meds corrects
- nettegiar las plattas e las proteger da polluziun e pulvra
- dismetter il rument adattà a l'ambient
- scriver rapports da lavur
- enconuscher ed applitgar las perscripziuns da la segirezza da lavurar, da la protecziun da la sanadad e da l'ambient
- allontanar e remplazzar plattas donnegiadas
- spazzar l'entira cuvrida, preparar il terren e tschentar plattas novas tar lavurs da renovaziun grondas
Ambient da lavur
Practicists e practicistas da tschentar plattas lavuran en manaschis da tschentaplattas. I sa tracta per il solit da manaschis pitschens e mesauns cun 2 fin 6 collavuraturs.
Practicists da tschentar plattas midan mintga pèr dis il plazzal. Els lavuran per regla en in team e tenor las instrucziuns d'in superiur. Savens lavuran els cun auters spezialists sin il plazzal. La gronda part da la lavur fan els en schanuglias. Perquai portan practicists da tschentar plattas savens paraschanugls. Mintgatant ston els purtar grevas chargias. Il temp da lavurar è per il solit regulars.
Pretensiuns e interess
- Imaginaziun tridimensiunala
- Inschign manual
- Moda da lavurar conscienziusa ed exacta
- Dun per cifras
- Senn per estetica
- Resistenza corporala
- Lavurar cun ils mauns
- Esser corporalmain activ
- Lavurar en moda exacta
- Lavurar en il team
- Lavurar cun arschiglia, crap e vaider
Scolaziun
En in manaschi da tschentaplattas.
1 di l'emna a la scola professiunala.
Davart differents temas, 40 dis durant 2 onns.
2 onns
Temp da scola obligatoric terminà
Practicist / Practicista da tschentar plattas AFP
Furmaziun cuntinuonta
Curs
Purschidas da scolas spezialisadas e professiunalas sco era da l'Associaziun svizra da tschentaplattas SPV
Tschentaplattas AFQ
Practicists da tschentar plattas AFP pon far ina furmaziun da basa scursanida sco tschentaplattas AFQ (access al segund onn da la furmaziun da basa).
Suenter han els las medemas pussaivladads da furmaziun supplementara sco tschentaplattas AFQ.
Professiuns sumegliantas
