Practicista da construcziun da vias AFP
Practicist da construcziun da vias AFP
![[object Object],[object Object]](https://media.sdbb.ch/transform/b80a153b-5a6a-4a34-985c-45af5ea9dd21/Strassenbauer-MI-124-jpg?io=transform:fill,width:740,height:490)
1. onn d’emprendissadi: CHF 800–1200.–
2. onn d’emprendissadi: CHF 1300–2000.–
Sco practicista u practicist da construcziun da vias gidas ti a construir ed a reparar vias, plazzas e sendas. Ti endrizzas plazzals e fas lavurs da construcziun. Ti mettas cuvridas da la via sco glera ed asfalt.
Incumbensas
- preparar il material e controllar las furniziuns
- transportar il material e deponer sin il plazzal
- configurar ils apparats e las maschinas tenor instrucziun
- segirar il plazzal, p.ex. montar barrieras, saivs da segirezza, tavlas ed illuminaziuns
- gidar a marcar per il terren il curs da la via tenor il plan da construcziun
- preparar il fundament
- allontanar terren, pia chavar cun palas u exchavaturs
- allontanar cuvridas veglias cun mogn d'aria cumprimida, sche vias èn donnegiadas
- gidar a segirar foss, p.ex. montar entuladas e tumbins da drenascha
- metter bischens e conducts per aua, electricitad e telecommunicaziun
- fixar, densifitgar e gulivar il terren
- far e cementar sendas e crappa da bordura
- gidar a metter cuvridas da las vias cun maschinas
- pressegiar cuvridas cun splattitschas
- terminar vias, p.ex. montar saivs directivas, chanals e giatters
- metter en urden la plazza da lavur e dismetter ils ruments en moda ecologica
- applitgar las prescripziuns da segirezza e d'ambient
- scriver rapports da lavur
- mantegnair e reparar apparats ed utensils
Ambient da lavur
Sco practicista u practicist da construcziun da vias lavuras ti en teams sin plazzals da vias ed es da mintg'aura ora en il liber. I po capitar che ti stos lavurar la saira, la notg u las fins d'emna. Ti portas vestgadira da protecziun che dat en egl, chapellina, guants e chalzers rinforzads.
Ti lavuras en ina interpresa ch'è spezialisada sin construcziun da vias. Il martgà da lavur è bun.
Pretensiuns e interess
- Resistenza corporala
- Resistenza a la temperatura u a l'aura
- Inschign manual
- Abilitad da lavurar en in team
- Gronda toleranza da canera
- Prontezza d'esser savens sin viadi
- Perseveranza e capacitad da tegnair la dira
- Imaginaziun tridimensiunala
- Lavurar en il liber
- Lavurar cun maschinas
- Esser corporalmain activ
- Esser savens sin viadi
Scolaziun
Furmaziun pratica en ina interpresa da la construcziun da vias
Curs da bloc dad 9 emnas per onn en la Scola professiunala spezialisada Verkehrswegbau (BFS) a Sursee (LU)
Scola professiunala spezialisada Verkehrswegbau (BFS) a Sursee: 30 dis durant 2 onns
2 onns
Terminà la scola obligatorica
Practicist / Practicista da construcziun da vias AFP
Furmaziun cuntinuonta
Curs
Curs da l'associaziun Infra Suisse e da la Societad svizra dals impressaris constructurs (SSIC)
Emprendissadi supplementar
Sco practicista u practicist da construcziun da vias pos ti per regla far in emprendissadi scursanì da constructura u constructur da vias AFQ.
Professiuns sumegliantas
Ulteriuras infurmaziuns
- Infra Suisse
Branchenorganisation der im Infrastrukturbau tätigen Unternehmen
- Schweizerischer Baumeisterverband (SBV): Ausbildung
- TODO