Zum Titel springen

Constructur / Constructura da vias AFQ

Constructurs e constructuras da vias sa fatschentan cun il bajegiar ed il mantegniment da vias, plazzas e straduns. Las cuvridas da la via fan els a maun u cun la maschina. Els lavuran en in team ed èn da tut aura giuadora.

Lavurs

Els exequeschan suandantas lavurs:

Endrizzar il plazzal
  • leger e chapir plans, far la planisaziun dal servetsch e dal material
  • preparar, transportar e deponer il material sin il plazzal
  • controllar las furniziuns dal material tenor ils formulars d'empustaziun
  • endrizzar indrizs, maschinas ed apparats
  • installar serradas da vias e saivs da segirezza, tavlas e chazzolas
  • marcar las vias, passapes, las posiziuns dals tumbins ed auters elements
Lavurs da construcziun
  • purtar davent il plaun terren, chavar foss cun palas u cun exchavatur
  • eliminar cuvridas donnegiadas cun il martè pneumatic
  • segirar foss, montar armadiras e tumbins da drenascha
  • tut tenor plazzal metter bischens da chanalisaziun ed auters conducts (aua, electricitad, telecommunicaziun) ed emplenir foss
  • preparar, stabilisar, cumprimer e planar il terren
  • metter e cementar vias per peduns e crappa per urs da vias
  • far cuvridas da las vias cun maschinas e guaffens (cun material sco glera ed asfalt)
  • cumprimer las cuvridas fatgas cun la splattitscha
  • finir las vias, p.ex. montar saivs da segirezza, chanals e giatters
Segirezza e mantegniment
  • far urden al plaz da lavur e dismetter il rument a moda adattada a l'ambient
  • enconuscher e resguardar las prescripziuns da segirezza e protecziun dal ambient
  • scriver rapports da lavur
  • tgirar las maschinas ed ils guaffens ed als preparar sche necessari

Scolaziun

Basa legala

Ordinaziun federala 1-11-2013 (versiun dal 1-1-2018)

Durada

3 onns

Furmaziun en la pratica

En in’interpresa da la construcziun da vias

Furmaziun en scola

Curs da bloc a la scola professiunala dals construiders da vias da traffic a Sursee: en media 9 emnas per onn, da quellas radund 2 emnas per onn furmaziun cun accent principal sin "construcziun da vias"

Roms professiunals

  • organisar las lavurs e garantir la segirezza da la lavur, la protecziun da la sanadad sco er la protecziun da l’ambient
  • manar tras lavurs generalas da la construcziun da vias da traffic
  • manar tras lavurs da la construcziun da vias
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "construider / construidra da vias AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • fidadadad e perseveranza
  • abilitad da lavurar en in team
  • resistenza a l’aura
  • forza corporala
  • sanadad robusta

Furmaziun supplementara

Curs

purschidas da la scola professiunala per construiders da vias da traffic, dal campus Sursee center da furmaziun construcziun da la Societad svizra dals impressaris construiders (SSIC) sco d’interpresas da la construcziun da vias

Furmaziun da basa scursanida

montader / montadra da binaris, sondader / sondadra, sulader / suladra, tschentapalantschieus industrials e purtants

Examen professiunal (EP)

polier / poliera da construider da vias cun certificat professiunal federal

Examen professiunal superiur (EPS)

manader da construcziun dipl.; maistra constructura

Scola spezialisada superiura (SSS)

tecnicher / tecnicra dipl. surveglianza da construcziun, tecnicher / tecnicra dipl. planisaziun da construcziun

Scola auta spezialisada (SAS)

Bachelor of Science (SAS) en fatgs d’inschigner da construcziun. Tut tenor scola auta spezialisada valan differentas cundiziuns d'admissiun.

Cundiziuns da lavur

Construiders da vias lavuran en interpresas pli pitschnas u pli grondas da la construcziun da vias. I sa dar ch’els ston lavurar las sairas u durant fin d’emnas.

Construiders da vias han bunas schanzas sin il martgà da lavur. La purschida da plazzas d’emprendissadi è buna.

Ulteriuras infurmaziuns

Berufsfachschule Verkehrswegbauer
Postfach
6210 Sursee
Tel: 041 922 26 26
URL: www.verkehrswegbauer.ch
URL: www.bauberufe.ch

Fachverband Infra
Weinbergstr. 49
Postfach
8042 Zürich
Tel: 044 258 84 90
URL: www.infra-suisse.ch



berufsberatung.ch