![[object Object],[object Object]](https://media.sdbb.ch/transform/1fe60c15-f357-4c8c-8443-388c1bdf7547/MaurerEFZ-JM-1635-jpg?io=transform:fill,width:740,height:490)
1. onn d’emprendissadi: CHF 950.–
2. onn d’emprendissadi: CHF 1320.–
3. onn d’emprendissadi: CHF 1860.–
Sco miradura u miradur AFQ fas u renoveschas ti mirs u mirs da sustegn d'edifizis e d'ovras da la construcziun bassa sco punts. Ti stgavas e mantuneschas terra ed applaneschas il terren. Ti fas mirs da crap, da tievlas u da betun, mettas bischens e chanals e monteschas elements da construcziun prefabritgads.
Incumbensas
- leger ils plans da construcziun
- planisar ils pass da lavur ensemen cun la direcziun da construcziun
- endrizzar e segirar ils plazzals, p.ex. montar barrieras e tavlas da protecziun
- controllar e magasinar il material furnì
- far skizzas per lavurs da construcziun
- preparar entuladas, p.ex. per fundaments, pitgas da sustegn u paraids
- fabritgar elements da construcziun da maulta
- isolar e stuppar edifizis
- demontar elements da construcziun, p.ex. demolir paraids
- metter conducts, p.ex. per aua da spina, aua persa u gas
- construir mirs cun quadrels e cun maulta e controllar cun corda da mesirar e cun livel, sch'ils mirs èn gulivs
- preparar, cular ed elavurar betun a maun u cun maschinas
- montar elements da construcziun prefabritgads, sco stgalas u roms d'ischs e da fanestras
- liar las paraids e stuppar las chavas
- renovar edifizis vegls u donnegiads
- far urden sin ils plazzals e dismetter correctamain il rument
- delegar simplas lavurs da construcziun en l'agen sectur da construcziun ad autras commembras ed auters commembers dal team
- nudar las lavurs da construcziun fatgas en rapports e discutar en il team
Ambient da lavur
Sco miradura u miradur AFQ lavuras ti da tutt'aura en il liber, en grond'autezza u en fossals. Durant la lavur portas ti in equipament da protecziun sco chapellina da protecziun, chalzers cun chapitsch d'atschal e guants. Ils temps da lavur dependan da la stagiun, la stad datti per regla dapli lavur che durant l'enviern.
Ti lavuras en interpresas da construcziun pitschnas, mesaunas e grondas. Cun las furmaziuns supplementaras correspundentas pos ti surpigliar posiziuns da responsabladad. Il martgà da lavur è fitg bun.
Pretensiuns e interess
- Inschign manual
- Senza sturnizi
- Resistenza corporala
- Resistenza a la temperatura u a l'aura
- Imaginaziun tridimensiunala
- Abilitad da lavurar en in team
- Prontezza d'esser savens sin viadi
- Lavurar en il liber
- Esser corporalmain activ
- Lavurar cun arschiglia, crap e vaider
Scolaziun
Furmaziun pratica en ina interpresa da construcziun: 4 dis per emna
1 di per emna en las scolas professiunalas spezialisadas chantunalas
En plirs chantuns: 72 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Miradura / Miradur AFQ
Furmaziun cuntinuonta
Curs
Curs da la Societad svizra dals impressaris constructurs (SSIC)
Emprendissadi supplementar
Sco miradura u miradur AFQ pos ti per regla far in emprendissadi scursanì da sondadra u sondader AFQ, da constructura u constructur da vias AFQ u da dissegnadra u dissegnader AFQ.
Examen professiunal (EP)
- Polier / Poliera da construcziun EP
- Controllader / Controlladra da material da construcziun EP
- Spezialist / Spezialista da protecziun d'edifizis EP
- Artisan / Artisana da tgira da monuments EP
Examen professiunal superiur (EPS)
- Impressari / Impressaria EPS
Scola spezialisada superiura (SSS)
- Tecnicist / Tecnicista SSS surveglianza da construcziun
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
