Lavurant al tagl d‘edifizi AFQ
Lavuranta al tagl d‘edifizi AFQ
Correspunda questa professiun a mai?![[object Object],[object Object]](https://media.sdbb.ch/transform/7e62d80e-dc51-4778-bb6e-33a3726fa89e/08_Bauwerktrenner_SL-jpg?io=transform:fill,width:740,height:490)
1. onn d’emprendissadi: CHF 800–1100.–
2. onn d’emprendissadi: CHF 1100–1400.–
3. onn d’emprendissadi: CHF 1400–1900.–
Sco lavuranta u lavurant al tagl d'edifizi fas ti averturas e rupturas en edifizis. Ti taglias, fresas, foras e resgias betun ed autras materialas da construcziun. Per quest intent dovras ti utensils da diamant spezials. Las parts separadas demonteschas ti e dismettas en moda cumpetenta.
Incumbensas
- leger e chapir ils plans
- mesirar las grondezzas da differents elements da construcziun ed als integrar en la scala correcta en ils plans
- marcar ils elements da construcziun che duain vegnir resgiads, cun agid d'apparats da nivellaziun, pia apparats per determinar las differenzas d'autezza, ubain cun apparats da laser
- preparar las maschinas ed ils guaffens necessaris, p.ex. resgias, taraders u fresas
- segirar la plazza da lavur tenor ils standards da segirezza, p.ex. montar tavlas e barrieras u segirar puntanadas
- determinar posiziuns exactas per averturas da l'edifizi, p.ex. ischs, fanestras, ascensurs u tumbins
- procurar che la plazza da lavur na vegnia betg bletscha, p.ex. cun pumpas, deflussiuns d'aua u paraids da protecziun cunter squittadas d'aua
- montar indrizs da protecziun, per che la pulvra na sa repartia betg dapertut
- utilisar maschinas ed utensils per elavurar il betun, p.ex. cun tarader da diamant u resgias
- survegliar cuntinuadamain il progress e la qualitad da las lavurs
- demolir edifizis u parts d'edifizis cun differentas maschinas, p.ex. cun instruments d'aria cumprimida, electrics u idraulics
- dismetter u reciclar en moda ecologica il material demontà ed auters ruments da construcziun
- scriver rapports da lavur
- nettegiar e mantegnair maschinas
Ambient da lavur
Sco lavuranta u lavurant al tagl d'edifizi lavuras ti independentamain vi dad edifizis novs u vi da renovaziuns. Perquai ch'ils conturns sin ils plazzals èn dad aut e pulvrus, portas ti ina mascrina da protecziun respiratorica, ina chapellina ed egliers da protecziun. Tes temps da lavur èn regulars. Ti lavuras en manaschis pitschens e mesauns ch'èn spezialisads sin perfurar, resgiar e tagliar betun. Suenter intgins onns experientscha professiunala e cun la furmaziun supplementara correspundenta pos ti surpigliar posiziuns directivas, p.ex. sco poliera da construcziun u manader da construcziun.
Pretensiuns e interess
- Moda da lavurar independenta
- Inschign manual
- Gronda toleranza da canera
- Moda da lavurar sistematica
- Resistenza corporala
- Moda da lavurar conscienziusa ed exacta
- Imaginaziun tridimensiunala
- Esser corporalmain activ
- Lavurar cun arschiglia, crap e vaider
- Lavurar cun maschinas
- Lavurar sulet ed en moda independenta
- Lavurar cun ils mauns
Scolaziun
Furmaziun pratica en in manaschi da perfurar e da tagliar betun: 4 dis per emna
1 di per emna en la scola professiunala spezialisada Zofingen (AG)
Bellach (SO): 60 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Lavurant / Lavuranta al tagl d'edifizi AFQ
Furmaziun cuntinuonta
Curs
Curs da l'Associaziun svizra da las interpresas da perfurar e da tagliar betun (SVBS)
Examen professiunal (EP)
- Polier / Poliera da construcziun EP
- Manader / Manadra da construcziun EP
Examen professiunal superiur (EPS)
- Impressari / Impressaria EPS
Scola spezialisada superiura (SSS)
- Tecnicist / Tecnicista SSS surveglianza da construcziun
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
