![[object Object],[object Object]](https://media.sdbb.ch/transform/90d13f50-343a-4b1b-a837-a0fcdb0f1643/1609grundbauer_zbinden__MG_0815d_layout-jpg?io=transform:fill,width:740,height:490)
1. onn d’emprendissadi: CHF 800–1200.–
2. onn d’emprendissadi: CHF 1300–2000.–
3. onn d’emprendissadi: CHF 1800–2750.–
Sco sondadra u sondader preparas ti il sulom, per ch'el saja segir e stabil per construir edifizis u vias. Ti fas sondagis ed analiseschas il terren. Ti segireschas ils fossals cun pitgas, pumpas giu aua e rinforzas il sutterren cun cement u atschal.
Incumbensas
- leger e chapir ils plans d'inschigneras ed inschigners
- preparar il material e las maschinas, transportar al plazzal e deponer tut là
- installar ils instruments, ils apparats ed ils taraders
- signalisar l'access al plazzal, construir barrieras da segirezza e saivs, montar signals ed illuminaziun
- stajar la parcella tenor ils plans
- allontanar terren, p.ex. chavar cun palas, exchavaturs ed autras maschinas
- segirar il fossal, p.ex. bloccar foss, metter pitgas, isolar las paraids e pumpar giu l'aua sutterrana
- analisar il terren e dar vinavant infurmaziuns davart la cumposiziun dal sutterren ad inschigneras da construcziun, p.ex. davart las differentas stresas da crappa
- consolidar il terren, injectar maschaidas da cement, emplenir foras, montar fortificaziuns d'atschal e segirar spundas cun ancras da grip
- metter en urden la plazza da lavur e dismetter ils ruments en moda ecologica
- scriver rapports da lavur
- applitgar las prescripziuns da segirezza e d'ambient
- tgirar e reparar maschinas ed utensils
Ambient da lavur
Sco sondadra u sondader lavuras ti sin plazzals da construcziun auta e bassa, al liber e da tutt'aura. Ti es savens en gir, perquai che ti survegns incumbensas da lavur en l'entira Svizra. Ti portas in equipament da protecziun cun chapellina, guants e chalzers rinforzads. Ils temps da lavur dependan da la stagiun, la stad datti per regla dapli lavur che durant l'enviern.
Ti lavuras en interpresas da la construcziun bassa speziala. Il martgà da lavur è bun. Suenter intgins onns experientscha professiunala e cun la furmaziun supplementara correspundenta pos ti surpigliar posiziuns directivas, p.ex. sco manadra da team u sco polier constructur da vias.
Pretensiuns e interess
- Resistenza corporala
- Inschign manual
- Resistenza a la temperatura u a l'aura
- Abilitad da lavurar en in team
- Chapientscha tecnica
- Imaginaziun tridimensiunala
- Gronda toleranza da canera
- Prontezza d'esser savens sin viadi
- Lavurar en il liber
- Lavurar cun maschinas
- Esser corporalmain activ
- Esser savens sin viadi
Scolaziun
Furmaziun pratica en ina interpresa da la construcziun bassa speziala
Curs da bloc dad 11 emnas per onn en la Scola professiunala spezialisada per la construcziun da vias da traffic a Sursee (LU)
Scola professiunala spezialisada (SPS) per la construcziun da vias da traffic a Sursee (LU): 35 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Sondader / Sondadra AFQ
Furmaziun cuntinuonta
Curs
Curs da l'associaziun Infra Suisse e da la Societad svizra dals impressaris constructurs (SSIC)
Emprendissadi supplementar
Sco sondadra u sondader AFQ pos ti per regla far in emprendissadi scursanì da montadra u montader da binaris AFQ, da tschentapalantschieus industrials e purtants AFQ, da salaschadra u salaschader AFQ ubain da constructura u constructur da vias AFQ.
Examen professiunal (EP)
- Maister sondader / Maistra sondadra EP
Examen professiunal superiur (EPS)
- Manader / Manadra da construcziun EPS
- Maister constructur / Maistra constructura EPS
Scola spezialisada superiura (SSS)
- Tecnicist / Tecnicista SSS surveglianza da construcziun
- Tecnicist / Tecnicista SSS planisaziun da construcziun
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
Ulteriuras infurmaziuns
- Infra Suisse
Branchenorganisation der im Infrastrukturbau tätigen Unternehmen
- Schweizerischer Baumeisterverband (SBV)
- Berufsfachschule Verkehrswegbau (BFS)
- TODO