![[object Object],[object Object]](https://media.sdbb.ch/transform/3f519481-6ef0-493f-800b-34af70c3ce68/06_Steinmetz_TPA-jpg?io=transform:fill,width:740,height:490)
1. onn d’emprendissadi: CHF 720.–
2. onn d’emprendissadi: CHF 870.–
3. onn d’emprendissadi: CHF 1120.–
4. onn d’emprendissadi: CHF 1320.–
Tagliacrappa furman crappa natirala e materials sumegliants a crappa artistica u a cuvridas da marmel. Els elavuran il material cun iseglia e cun maschinas. Tagliacrappa sa spezialiseschan en in sectur professiunal: en sculptura, en industria, en construcziun e renovaziun ubain en concepziun ed elavuraziun da marmel.
Incumbensas
- mesirar objects
- dissegnar plans da construcziun
- skizzar objects da crap tenor in plan u tenor in model
- transferir las mesiras dal plan sin il material brut u sin la tocca
- proteger il material elavurà cun chemicalias u cun products natirals
- observar las prescripziuns da segirezza
- dismetter ils ruments en moda ecologica
- gizzar l'iseglia e fabritgar sez iseglia simpla sco spols u palfiers
- mantegnair las maschinas ed ils indrizs
- producir objects artisanals tenor ils giavischs da la clientella, per exempel bigls, sculpturas u craps da fossa
- producir objects per locals d'abitar, per exempel cuvridas da cumbinaziun da cuschina, stgalas u cuvridas da palantschieu
- purtar objects finids tar la clientella ed als montar
- mantegnair edifizis istorics e moderns
- fabritgar e fixar parts d'edifizis sco curnischs, roms da fanestras u portals
- cumplettar e proteger parts donnegiadas d'edifizis istorics
- furmar crappa natirala e l'elavurar cun iseglia e cun maschinas
Ambient da lavur
Tagliacrappa lavuran en manaschis pitschens fin mesauns d'artisanadi e d'industria. Tut tenor l'incumbensa monteschan els objects a l'extern u a l'intern, per exempel vi d'edifizis, en bogns u sin santeris. Durant la montascha portan els egliers da protecziun, ina protecziun da l'udida e mintgatant er mascras cunter pulvra. Lur temps da lavur èn regulars.
Tagliacrappa chattan plazzas en ovras ch'elavuran marmel ed en interpresas da construcziun. Cun in pèr onns pratica professiunala pon els surpigliar posiziuns directivas, per exempel sco manader/-dra da team u sco schef/fa d'in lavuratori. Els pon er lavurar sur sasezs.
Pretensiuns e interess
- Inschign manual
- Moda da lavurar conscienziusa ed exacta
- Imaginaziun tridimensiunala
- Talent artistic
- Abilitad da lavurar en in team
- Talent da dissegnar
- Gronda toleranza da canera
- Resistenza corporala
- Lavurar cun ils mauns
- Esser corporalmain activ
- Dissegnar, decorar, crear
- Lavurar cun arschiglia, crap e vaider
Scolaziun
En in manaschi d'elavuraziun/da sanaziun da crappa natirala
1 di per emna a la scola professiunala spezialisada
Emprender la lavur pratica, approfundar ed exercitar las basas professiunalas, 37 dis durant 4 onns.
4 onns
- Sculptura
- Industria
- Construcziun e renovaziun
- Concepziun ed elavuraziun da marmel
Terminà la scola obligatorica
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Tagliacrappa AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas, da la Societad svizra dals impressaris constructurs SSIC sco er da l'Associaziun furmaziun da crappa natirala AFC.
Examen professiunal (EP)
Mastergnant/a per la tgira da monuments cun certificat professiunal federal
Examen professiunal superiur (EPS)
P.ex. maister sculptur/maistra sculptura da crappa cun diplom federal u tagliacrappa cun diplom federal.
Scola spezialisada superiura (SSS)
Furmaziuns en secturs spezials parentads, per exempel: tecnicist/a dipl. SSS en surveglianza da construcziun u artist/a d'art figurativ SSS.
Scola auta spezialisada (SAS)
Studis en secturs parentads, p.ex. Bachelor of Arts en conservaziun u Master of Arts en conservaziun-restauraziun. Tut tenor la scola auta spezialisada valan differentas cundiziuns d'admissiun.
Professiuns sumegliantas
