![[object Object],[object Object]](https://media.sdbb.ch/transform/d24a9a1f-bcd6-43c7-b9a5-388bef3c98d0/plattenlegerin_r_d_2891-jpg?io=transform:fill,width:740,height:490)
1. onn d’emprendissadi: CHF 750.–
2. onn d’emprendissadi: CHF 900.–
3. onn d’emprendissadi: CHF 1200.–
Tschentaplattas tschentan plattas da cheramica, mosaic, crap natiral e crap artifizial sin palantschieus, paraids u stgalas d’edifizis. Els lavuran en edifizis novs e tar renovaziuns.
Incumbensas
- leger e discutar ils plans, dissegns e las indicaziuns da las architectas e dals patruns da construcziun
- cussegliar la clientella tar l'elecziun dal material, da la furma e dals musters
- mesirar las surfatschas e quintar con material che vegn duvrà
- quintar ils custs, far offertas e planisar termins
- organisar il transport dal material ed al deponer sin il plazzal
- controllar schebain ils palantschieus e las paraids èn gulivs ed impermeabels e prender mesiras sche necessari, p.ex. gulivar las paraids, nivellar ils palantschieus ed als stuppar
- far plans da lavur, resguardar la cumposiziun dal fund sco era la grondezza da la surfatscha e determinar la tecnica da tschentar las plattas
- tagliar las plattas exactamain e duvrar latiers differents guaffens sco maschinas per tagliar plattas, fresas a maun, fresas bletschas u zangas spezialas e maschinas da mular chantuns
- maschadar e stritgar si la cola cun ina palutta speziala sin las surfatschas
- tschentar e fixar las plattas tenor ils plans
- controllar sche las plattas èn tschentadas correctamain e gulivamain e curreger sbagls sche necessari
- emplenir las chavas (spazis tranter las plattas) e duvrar latiers ils meds corrects
- nettegiar las plattas e las proteger da polluziun e pulvra
- dismetter il rument adattà a l'ambient
- scriver rapports da lavur
- enconuscher ed applitgar las perscripziuns da la segirezza da lavurar, da la protecziun da la sanadad e da l'ambient
- allontanar e remplazzar plattas donnegiadas
- spazzar l'entira cuvrida, preparar il fund e tschentar plattas novas tar lavurs da renovaziun grondas
- far diever da tecnicas spezialas tar plattas particularas, p.ex. tar plattas da mosaic
Ambient da lavur
Tschentaplattas lavuran en manaschis da tschentaplattas. I sa tracta il pli savens da manaschis pitschens cun 2 enfin 6 collavuraturs. Els midan mintga pèr dis il plazzal.. Per regla èn els sin via cun in team.. Savens lavuran els cun auters spezialists sin il plazzal. La gronda part da la lavur fan els en schanuglias. Perquai portan els savens paraschanugls. Mintgatant ston els purtar grevas chargias. Il temp da lavurar è per il solit regulars.
Pretensiuns e interess
- Imaginaziun tridimensiunala
- Inschign manual
- Moda da lavurar conscienziusa ed exacta
- Dun per cifras
- Senn per estetica
- Resistenza corporala
- Moda da lavurar independenta
- Lavurar cun ils mauns
- Esser corporalmain activ
- Lavurar en moda exacta
- Dissegnar, decorar, crear
- Lavurar cun arschiglia, crap e vaider
Scolaziun
En in manaschi da tschentaplattas.
1 di per emna a la scola professiunala.
Tar differents temas, 55 dis durant 3 onns.
3 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Tschentaplattas AFQ
Furmaziun cuntinuonta
Curs
Purschidas da scolas spezialisadas e professiunalas sco er dal Schweizerischer Plattenverband SPV
Examen professiunal (EP)
Schef tschentaplattas / scheffa tschentaplattas cun certificat professiunal federal
Examen professiunal superiur (EPS)
Maister tschentaplattas / maistra tschentaplattas
Scola spezialisada superiura (SSS)
Curs da furmaziun en direcziuns spezialas parentadas
Professiuns sumegliantas
