Sculptur d’objects da lain AFQ
Sculptura d’objects da lain AFQ
Correspunda questa professiun a mai?![[object Object],[object Object]](https://media.sdbb.ch/transform/44255722-ecef-452b-a593-67c8b33b23ef/Holzbildhauer-MS-IKA6060-jpg?io=transform:fill,width:740,height:490)
Sco sculptura u sculptur d'objects da lain creeschas ti figuras sco er artitgels e bischus artistics or da lain. Ti dissegnas e planiseschas tias lavurs. Ti produceschas er tocs crivs ed entaglias ornaments sco er inscripziuns.
Incumbensas
- producir objects da lain u restaurar locals, p.ex. renovar entagls da lain
- far skizzas e dissegns e discutar cun la clientella
- tscherner il lain cun resguardar la structura u la direzza
- elavurar il lain cun guaffens e maschinas, p.ex. resgiar, furar u splanar
- far lavurs da precisiun vi dal lain, p.ex. cun in stgalper ed in martè
- metter ensemen differents tocs da lain
- terminar las lavurs, mesirar e controllar la grondezza e la furma da l'object da lain
- glimar l'object da lain e suenter dar si ieli, lac u tschaira
- documentar las incumbensas, p.ex. far quints u scriver si ils pass da lavur
- mantegnair ils guaffens, p.ex. reparar u mular
Ambient da lavur
Sco sculptura u sculptur d'objects da lain lavuras ti per regla suletta u sulet. Tes lieu da lavur principal è il lavuratori, savens ta preschentas ti er a fieras u exposiziuns.
Per il solit mainas ti in agen atelier. Questa professiun na pratitgeschas ti savens betg a temp cumplain, mabain ensemen cun in'autra professiun. En Svizra datti var 30 plazzas d'emprendissadi, pli che dus terzs da quellas a la Scola per sculptura en lain a Brienz. Las ulteriuras plazzas d'emprendissadi èn repartidas en l'entira Svizra, cunzunt en la Part Sura Bernaisa.
Pretensiuns e interess
- Inschign manual
- Moda da lavurar independenta
- Talent artistic
- Talent da dissegnar
- Creativitad
- Imaginaziun tridimensiunala
- Moda da lavurar conscienziusa ed exacta
- Lavurar cun ils mauns
- Elavurar lain
- Dissegnar, decorar, crear
Scolaziun
Furmaziun pratica en in atelier da sculptura da lain
Curs da bloc dad 8 emnas per onn en la Scola per sculptura en lain a Brienz (BE)
Scola per sculptura en lain, Brienz: 27 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Sculptur / Sculptura d'objects da lain AFQ
Furmaziun cuntinuonta
Examen professiunal (EP)
- Artisan / Artisana da tgira da monuments EP
Examen professiunal superiur (EPS)
- Maister sculptur / Maistra sculptura d'objects da lain EPS
Scola spezialisada superiura (SSS)
- Artist figurativ / Artista figurativa SSS
Scola auta spezialisada (SAS)
- Bachelor of arts en conservaziun, restauraziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
