![[object Object],[object Object]](https://media.sdbb.ch/transform/73b787eb-dfb4-4743-a23d-4d13de888dd9/Polimeccanico-AB-034-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–
Polimecanistas e polimecanists produceschan urdains, elements da construcziun ed installaziuns da producziun or da differentas materialias, sco atschal, atschal cromà, aluminium e plastic u or da materials cumbinads. Ellas ed els manipuleschan differentas maschinas, tranter auter cun agid da computers, surveglian la producziun, mettan en funcziun e mantegnan maschinas.
Incumbensas
La nova ordinaziun da furmaziun davart la professiun Polimecanist / Polimecanista AFQ è en vigur dapi il 1. da schaner 2026. Questa descripziun da la professiun vegn actualisada proximamain.
- examinar las dumondas da la clientella a maun da dissegns, plans u models tridimensiunals
- elavurar in project ensemen cun il team dal biro tecnic
- rimnar las infurmaziuns necessarias per che l'object producì correspundia a las aspectativas da la clientella
- far ina glista cun las materialias e cun ils meds auxiliars, stimar il temp da producziun e calcular ils custs
- far in'offerta cumpletta cun dissegns generals e detagliads, datas tecnicas, pretsch e temp da furniziun
- producir las differentas parts d'in prototip, las metter ensemen e controllar la funcziunalitad
- crear ina instrucziun da diever che cuntegna las specificaziuns tecnicas e las mesiras da precauziun
- tscherner ed eventualmain producir urdains
- organisar la chadaina da producziun, programmar las maschinas regladas per computer e far tests
- controllar severamain la qualitad da las parts producidas, eliminar sbagls d'elavuraziun
- survegliar l'installaziun e reglar la prestaziun
- scolar il persunal da producziun
- studegiar il schema da montascha
- metter ensemen e francar las differentas parts d'ina maschina
- etablir las colliaziuns mecanicas, electricas u pneumaticas (regladas tras aria cumprimida) tranter ils differents elements, far tests cun l'apparat ed al prender en funcziun
- controllar, mantegnair e reparar las maschinas ed ils apparats en il lavuratori
Ambient da lavur
Polimecanistas e polimecanists AFQ lavuran sulets u en pitschens teams. Ellas ed els collavuran en il biro tecnic principalmain cun tecnicists d'automatisaziun, cun mecanistas da producziun e cun constructurs industrials. Lur temps da lavur èn regulars. Engaschaments cun lavur da squadra èn dentant er pussaivels. A la lavur vegn purtada vestgadira da protecziun, sco per exempel guants u egliers da protecziun.
Polimecanistas e polimecanists lavuran cunzunt en manaschis da l'industria da maschinas, d'electro e da metal (branscha MEM). En manaschis pitschens pon questas persunas spezialisadas vegnir involvidas en l'entir process da producziun. En manaschis pli gronds fan ellas part d'in team spezialisà, per exempel da perscrutaziun e svilup, da producziun, da montascha u dal servetsch a la clientella. Grazia a lur vasta scolaziun pon ellas vegnir engaschadas per las lavurs las pli differentas. Perquai han ellas bunas schanzas sin il martgà da lavur.
Pretensiuns e interess
- Inschign manual
- Moda da lavurar sistematica
- Chapientscha tecnica
- Imaginaziun tridimensiunala
- Moda da lavurar conscienziusa ed exacta
- Gronda toleranza da canera
- Abilitad da lavurar en in team
- Elavurar metal
- Schliar incumbensas tecnicas
- Lavurar cun ils mauns
- Lavurar cun maschinas
Scolaziun
En in manaschi da l'industria da maschinas, d'electro e da metal (industria MEM).
1 fin 2 dis per emna.
Emprender la lavur pratica, approfundar ed exercitar las basas professiunalas, 54 dis durant ils emprims 2 onns.
Dapli infurmaziuns: berufsberatung.ch/schulen
4 onns
Terminà la scola obligatorica
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Polimecanist / Polimecanista AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas, da federaziuns professiunalas, da Swissmem e da Swissmechanic.
Emprendissadi supplementar
Polimecanistas e polimecanists AFQ pon per regla far in emprendissadi scursanì sco constructur u constructura AFQ.
Examen professiunal (EP)
cun attestat professiunal federal, p.ex.:
- Spezialist / Spezialista da producziun
- Tecnicist / Tecnicista d'eromobils
- Spezialist / Spezialista d'automatica
- Commerziant tecnic / Commerzianta tecnica
Examen professiunal superiur (EPS)
P.ex. Manader / Manadra da producziun industriala dipl.
Scola spezialisada superiura (SSS)
Studis en roms parentads, p.ex.:
- Tecnicist / Tecnicista da construcziun da maschinas SSS
- Tecnicist / Tecnicista da sistem SSS
- Tecnicist / Tecnicista da microtecnica SSS
Scola auta spezialisada (SAS)
Studis en secturs parentads, p.ex. bachelor of science en:
- tecnica da maschinas
- mecatronica
- tecnica da sistems
- tecnica d'automobils e da vehichels
Tut tenor la scola auta spezialisada valan differentas cundiziuns d'admissiun.
Professiuns sumegliantas
