![[object Object],[object Object]](https://media.sdbb.ch/transform/3f66b3aa-0494-4561-837d-2fcc5ce3059d/produktionsmechanikerin_s_h_-3819-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
Mecanistas e mecanists da producziun fan las lavurs dals secturs da construcziun da maschinas ed elavuraziun da metal. Ellas ed els elavuran tocs singuls u da seria, p.ex. struvas, vairas, ischigls, astas e monteschan elements ed apparats mecanics. Mecanistas e mecanists da producziun fan er lavurs da mantegniment vi d'indrizs da fabricaziun e da producziun.
Incumbensas
La nova ordinaziun da furmaziun davart la professiun Mecanist / Mecanista da producziun AFQ è en vigur dapi il 1. da schaner 2026. Questa descripziun da la professiun vegn actualisada proximamain.
- leger ed interpretar dissegns tecnics
- preparar il material necessari
- giustar e metter en funcziun maschinas, installaziuns ed indrizs che vegnan reglads per computer
- tegnair en urden ils urdains
- controllar la grondezza e la qualitad da las parts producidas
- preparar las tolas e las astas da metal necessarias
- marcar ils lieus che ston vegnir elavurads
- elavurar metals, p.ex. furar, storscher u tagliar
- struvegiar, buglir, saldar u rebatter metals
- transfurmar metals, p.ex. pressegiar, trair, stuschar u zullar
- gizzar, montar e giustar cuntels
- giustar maschinas e furnir astas da metal ad ellas
- producir elements sin turns automatics e survegliar gruppas da maschinas
- controllar, sch'ils tocs elavurads han la furma correcta e sche necessari als adattar
- metter ensemen gruppas d'elements, maschinas, apparats ed installaziuns
- duvrar indrizs da montascha sco er auzaders e transportaders per auzar e per montar ils elements
- scriver rapports da montascha
- decumponer e montar puspè maschinas ed indrizs per prevegnir cunter isadas
- reparar donns vi d'apparats da producziun e remplazzar las parts defectas
- survegliar las cundiziuns dal manaschi da maschinas e d'indrizs, p.ex. la temperatura
Ambient da lavur
Mecanistas e mecanists da producziun lavuran en lavuratoris ed en partiziuns da producziun. Ellas ed els manevreschan differentas maschinas e differents indrizs e dovran divers urdains. Durant la lavur portan ellas ed els vestgadira da protecziun respectiva, sco egliers da protecziun e guants. Ils temps da lavur èn regulars.
Mecanistas e mecanists da producziun lavuran en l'industria da maschinas, electrica e da metal. Cun lur vasta scolaziun han ellas ed els bunas schanzas sin il martgà da lavur.
Pretensiuns e interess
- Inschign manual
- Moda da lavurar sistematica
- Chapientscha tecnica
- Imaginaziun tridimensiunala
- Moda da lavurar conscienziusa ed exacta
- Gronda toleranza da canera
- Abilitad da lavurar en in team
- Elavurar metal
- Schliar incumbensas tecnicas
- Lavurar cun maschinas
- Lavurar cun ils mauns
Scolaziun
En in manaschi da la branscha da l'industria da maschinas, electrica e da metal.
1 di per emna en la scola professiunala.
Emprender, approfundar ed exercitar las basas professiunalas, 48 dis durant 3 onns.
• Albisbrunn, Hausen am Albis (ZH)
• Allgemeine Gewerbeschule Basel, Basilea
• Stiftung LBB Lehrbetriebe beider Basel, Basilea
3 onns
En la furmaziun d'accent sa concentrescha mintga emprendista u emprendist sin ina cumpetenza d'agir, p.ex.:
• fabritgar elements cun proceduras da fabricaziun CNC
• fabritgar cuntels cun proceduras da fabricaziun CNC
• fabritgar elements tagliond cun radis da laser CNC
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar la scola da maturitad professiunala durant la furmaziun da basa.
Mecanist / Mecanista da producziun AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er da las federaziuns Swissmechanic, smc.tocco.ch, e Swissmem, swissmem-academy.ch.
Emprendissadi supplementar
Mecanistas e mecanists da producziun pon far in emprendissadi scursanì sco Polimecanist / Polimecanista AFQ.
Examen professiunal (EP)
Cun attestat professiunal federal, p.ex.:
• Spezialist / Spezialista da producziun
• Tecnicist / Tecnicista d'eromobils
• Spezialist / Spezialista d'automatica
• Commerziant tecnic / Commerzianta tecnica
Examen professiunal superiur (EPS)
P.ex. Manader / Manadra da producziun industriala cun diplom federal
Scola spezialisada superiura (SSS)
Studis en secturs spezialisads parentads, p.ex.:
• Tecnicist / Tecnicista da construcziun da maschinas SSS
• Tecnicist / Tecnicista da sistem SSS
• Electrotecnicist / Electrotecnicista SSS
• Tecnicist / Tecnicista da microtecnica SSS
Scola auta spezialisada (SAS)
Studis en secturs parentads, p.ex. bachelor of science en:
• tecnica da maschinas
• tecnica d'automobils e da vehichels
• mecatronica e tecnica da sistems
Tut tenor la scola auta spezialisada valan differentas cundiziuns d'admissiun.
Professiuns sumegliantas
