Dissegnadra-constructura en metal AFQ
Dissegnader-constructur en metal AFQ
Correspunda questa professiun a mai?![[object Object],[object Object]](https://media.sdbb.ch/transform/17d69433-9076-4ff0-aabb-77b2fec9b9cb/dcm_NG_025-jpg?io=transform:fill,width:740,height:490)
1. onn d’emprendissadi: CHF 750.–
2. onn d’emprendissadi: CHF 1000.–
3. onn d’emprendissadi: CHF 1200.–
4. onn d’emprendissadi: CHF 1500.–
Dissegnaders-constructurs e dissegnadras-constructuras en metal dissegnan plans per la construcziun da metal, d’atschal e da fatschadas al computer. Els fan calculaziuns ed accumpognan l’entir process da la fabricaziun fin a la montascha.
Incumbensas
- prender mesiras al plazzal a moda exacta cun agid da guaffens da mesirar moderns per avair las indicaziuns necessarias per ils plans
- resguardar ils giavischs il patrun, dals architects u las inschigneras durant dissegnar ils plans
- esser il persuna da contact en il project per ils posts interns, per la producziun e per la montascha
- controllar las lavurs fatgas en il lavuratori e sin il plazzal per savair garantir la qualitad
- construir plans per verandas d’enviern, fanestras, ischs, portas, stgalas, tschabargals e construcziuns purtantas per edifizis sco fabricas, stadis da ballape, turs d’ascensurs sco era per fatschadas da metal e da vaider e fatschadas spezialas
- planisar la montascha e la demontascha sche edifizis existents ston vegnir renovads
- elavurar documents per tut las fasas d’in project, da la preparaziun a la producziun fin a la montascha
- far plans detagliads cun indicaziuns davart las lunghezzas exactas, il dumber e davart la metoda d’elavuraziun
- resguardar tar lur construcziuns aspects economics, statics ed ils aspects pertutgant la fisica da construcziun sco per exempel l’isolaziun cunter la chalur e l’insonorisaziun
- dissegnar ils plans al computer cun programs CAD en 2-D u 3-D
- resguardar normas e directivas actualas
- elavurar sin basa da las lavurs preparativas las glistas da material e las glistas da la tocca ed ils documents d’empustaziun
- esser responsabels per la cumpra economica da las materialias
- empustar il material necessari, contractar cun ils furniturs ed administrar il deposit da material
Ambient da lavur
Dissegnadra-constructuras e dissegnaders-constructurs en metal lavuran en biros tecnics da manaschis da la construcziun da metal, d’atschal, da fatschadas e da fanestras. Il pli savens sa tracti da manaschis pitschens u mesauns. Per part porschan era biros d’inschigners u biros da planisaziun plazzas d’emprendissadi. Pervi da las lavurs variantas èn constructurs en metal adina puspè confruntads cun novs pensums. Sco liom tranter posts interns ed externs stattan els plinavant en stretg contact cun differents partenaris. Dissegnaders-constructurs e dissegnadras-constructuras en metal han bunas schanzas sin il martgà da lavur. La branscha è dentant dependenta da la situaziun economica da l’industria da construcziun.
Pretensiuns e interess
- Imaginaziun tridimensiunala
- Talent da dissegnar
- Dun per cifras
- Chapientscha tecnica
- Moda da lavurar conscienziusa ed exacta
- Abilitad da s'adattar a novas tecnologias
- Abilitad da lavurar en in team
- Lavurar cun cifras
- Planisar, construir, far dissegn tecnic
- Schliar incumbensas tecnicas
- Lavurar al computer
Scolaziun
En in biro tecnic d’in manaschi da metal, d’atschal, da fanestras u da fatschadas.
En l’emprim onn 1 ½ dis, a partir dal 2. onn 1 di per emna a la scola professiunala.
Emprender ed exercitar a moda pratica la basa professiunala.
4 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Dissegnader-constructur / Dissegnadra-constructura en metal AFQ
Furmaziun cuntinuonta
Curs
Purschidas da scolas professiunalas, scolas spezialisadas superiuras sco era d’associaziuns professiunalas, p.ex. la Schweiz. Metall-Union SMU
Furmaziun da basa scursanida
Emprendissadi supplementar sco constructura da metal AFQ (entrada en il 3. onn d’emprendissadi)
Examen professiunal (EP)
Constructur da metal cun certificat federal
Examen professiunal superiur (EPS)
Cun diplom federal: manadra da project da construcziun en metal, maister da construcziun en metal
Scola spezialisada superiura (SSS)
P.ex. tecnicista diplomada construcziun da metal
Scola auta spezialisada (SAS)
Tar scolaziun preliminara correspundenta, p.ex. Bachelor of Science (SAS) en tecnica da construcziun, direcziun da profundaziun en paraids e mirs exteriurs (a la scola auta a Lucerna – tecnica ed architectura, Horw) u Bachelor of Arts (SAS) en architectura. Tut tenor scola auta spezialisada valan differentas cundiziuns d'admissiun.
Professiuns sumegliantas
