![[object Object],[object Object]](https://media.sdbb.ch/transform/cdd24355-0c69-4129-9043-e3e7666ef776/15_Konstrukteur_IK-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–
Constructuras e constructurs fan dissegns tecnics per lur incumbensaders. Ils dissegns mussan parts d'apparats, d'indrizs mecanics u d'iseglia. Constructuras e constructurs èn responsabels per l'observaziun e per la calculaziun precisa da la grondezza dals tocs.
Incumbensas
La nova ordinaziun da furmaziun davart la professiun Constructur / Constructura AFQ è en vigur dapi il 1. da schaner 2026. Questa descripziun da la professiun vegn actualisada proximamain.
- examinar dumondas per projects
- analisar las funcziuns da las parts da l'apparat planisà
- elavurar soluziuns per il project, cun agid da skizzas e da programs da computer (CAD)
- observar las prescripziuns e las normas tar l'elavuraziun dal project
- dissegnar al computer differentas vistas dal project, p.ex. en 3D
- inditgar la dimensiun e la structura da la surfatscha da las singulas parts dal project
- calcular il pais, la surfatscha u il volumen da las parts dal project
- tscherner materialias adattadas
- stimar ed empustar la quantitad da las materialias che vegnan duvradas
- far – ensemen cun il manader da producziun – ina glista da l'iseglia ch'ins dovra e l'empustar ubain producir sez tala
- examinar prototips per il project (toc producì)
- survegliar il progress da las lavurs
- far in plan da montascha
- rediger l'instrucziun da diever e da mantegniment sco er las datas tecnicas dal product en tudestg u en ina lingua estra
Ambient da lavur
Tut tenor lur lieu da lavur sviluppan constructuras e constructurs differents products d'industria, davent d'instruments medicinals sur motors, turbinas, maschinas da lavar, locomotivas fin a trottinets. Els lavuran sin champs sco mecanica, robotica, automobil, aviatica ed astronautica, microtecnica u fatgs da construcziun. En ils lieus da producziun collavuran las constructuras ed ils constructurs tant cun inschigneras e tecnicists sco er cun persunas spezialisadas, p.ex. cun constructuras d'apparats industrials, cun polimecanistas, cun mecanists da producziun, cun tecnicistas d'automatisaziun e cun electronists.
Tut tenor la situaziun han els er savens contact cun la clientella e cun ils furniturs.
Lur mintgadi passentan els principalmain en biro, ma er en ils lavuratoris. Ils meds d'informatica e las materialias sa sviluppan d'in cuntin. Perquai duessan constructuras e constructurs absolver cuntinuadamain furmaziuns supplementaras per tegnair pass cun il svilup tecnologic.
Pretensiuns e interess
- Talent da dissegnar
- Imaginaziun tridimensiunala
- Dun per cifras
- Abilitad da sa concentrar
- Chapientscha tecnica
- Moda da lavurar sistematica
- Abilitad da lavurar en in team
- Moda da lavurar conscienziusa ed exacta
- Planisar, construir, far dissegn tecnic
- Schliar incumbensas tecnicas
- Lavurar cun cifras
- Lavurar en moda exacta
- Lavurar al computer
Scolaziun
En in manaschi da l'industria da maschinas, d'electronica e da metal (industria MEM).
1,5 fin 2 dis per emna en la scola professiunala spezialisada.
Emprender la lavur pratica, approfundar ed exercitar las basas professiunalas, 57 dis durant 4 onns.
- Scola tecnica spezialisada, Berna
- Scola tecnica spezialisada, Bienna
Dapli infurmaziuns: cussegliaziun.ch/scolas
4 onns
Terminà scola obligatorica
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun fundamentala.
Constructur / Constructura AFQ
Furmaziun cuntinuonta
Curs
Purschidas da scolas professiunalas spezialisadas e da scolas spezialisadas superiuras, da federaziuns spezialisadas, da la Swissmem Academy e da Swissmechanic.
Examen professiunal (EP)
Cun certificat professiunal: p.ex.:
Examen professiunal superiur (EPS)
P.ex. manader/-dra da producziun Industria dipl.
Scola spezialisada superiura (SSS)
P.ex. tecnicist/-a da construcziun dipl., electronist/-a dipl. SSS
Scola auta spezialisada (SAS)
Studis en secturs spezials parentads, p.ex. bachelor of science en tecnica da maschinas, en electrotecnica u en mecatronica. Tut tenor la scola auta spezialisada valan differentas cundiziuns d'admissiun.
Professiuns sumegliantas
