Dissegnader da microtecnica AFQ
Dissegnadra da microtecnica AFQ
Correspunda questa professiun a mai?![[object Object],[object Object]](https://media.sdbb.ch/transform/ec13f9c1-ab7d-4d83-8d40-a74d0a217e3b/15_Mikrozeichner_LV-jpg?io=transform:fill,width:740,height:490)
1. onn d’emprendissadi: CHF 596–894.–
2. onn d’emprendissadi: CHF 894–1192.–
3. onn d’emprendissadi: CHF 1192–1490.–
4. onn d’emprendissadi: CHF 1490–1788.–
Las dissegnadras ed ils dissegnaders da microtecnica fan dissegns e sbozs tecnics en 2D ed en 3D. Sin basa da quai elavuran ellas ed els plans da construcziun per ils tocs ils pli pitschens, per exempel per urdains da precisiun, per interrupturs u per instruments da mesiraziun. Ellas ed els sviluppan er prototips e gidan a crear in nov product dal cumenzament fin la fin.
Incumbensas
- studegiar las prescripziuns da las inschigneras dal biro tecnic per ils products sco er las skizzas dals designers
- skizzar a maun tocs
- realisar studis da design dals singuls tocs u da plirs tocs sco er dissegns detagliads da singulas cumponentas a maun da la software CAD
- controllar cun ina simulaziun da computer, sch'il project è realisabel
- tschertgar e sviluppar soluziuns da producziun che correspundan a las pretensiuns e proponer pliras variantas
- calcular ils pretschs e far offertas
- planisar ils process per elavurar tocs tenor proceduras e normas fixadas sco er configurar las maschinas
- producir tocs pitschens
- controllar, sch'il toc producì funcziunescha e vesa ora bain
- analisar differents pass dal process da producziun ed als discutar cun autras persunas spezialisadas
- valitar ed eventualmain meglierar ils pass dal process da producziun
- actualisar ils documents tecnics
Ambient da lavur
Las dissegnadras ed ils dissegnaders da microtecnica collian las persunas spezialisadas che sviluppan in product microtecnic, cun ils producents. Ellas ed els consulteschan las prescripziuns da las designras e dals inschigners ed elavuran soluziuns correspundentas cun plans tecnics exacts. Ellas ed els lavuran en biros ed en lavuratoris, fan plans a maun u cun software al computer.
Lur temps da lavur èn regulars. Dissegnadras e dissegnaders da microtecnica lavuran en tut las branschas, nua ch'i vegnan producids apparats microtecnics, sco per exempel en l'industria d'uras, l'optica, la robotica, l'aviatica, la tecnica medicinala, l'electronica u la telecommunicaziun. Cun in'experientscha professiunala correspundenta pon ellas ed els lavurar sco constructuras e constructurs e manar projects u partiziuns. Dissegnadras e dissegnaders da microtecnica che sa perfecziuneschan cuntinuadamain, han bunas schanzas sin il martgà da lavur.
Pretensiuns e interess
- Imaginaziun tridimensiunala
- Talent da dissegnar
- Moda da lavurar conscienziusa ed exacta
- Abilitad da s'adattar a novas tecnologias
- Abilitad da lavurar en in team
- Dun per cifras
- Chapientscha tecnica
- Creativitad
- Planisar, construir, far dissegn tecnic
- Lavurar al computer
- Lavurar cun cifras
- Lavurar en moda exacta
- Schliar incumbensas tecnicas
Scolaziun
En in manaschi da la branscha da microtecnica u d'uras
1 fin 2 dis per emna en la scola professiunala spezialisada
Emprender la lavur pratica, approfundar ed exercitar las basas professiunalas, 20 dis durant 4 onns
Dapli infurmaziuns: berufsberatung.ch
4 onns
- Terminà la scola obligatorica
- Examen d'admissiun en il manaschi d'emprendissadi ed en la scola professiunala
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Dissegnader / Dissegnadra da microtecnica AFQ
Furmaziun cuntinuonta
Curs
Purschidas da las scolas spezialisadas e da las scolas professiunalas spezialisadas e da la federaziun dals patruns da l'industria d'uras svizra
Emprendissadi supplementar
Dissegnadras e dissegnaders da microtecnica AFQ pon per regla far in emprendissadi scursanì sco micromecanist / micromecanista AFQ e sco spezialist / spezialista da qualitad en microtecnica AFQ.
Examen professiunal (EP)
P.ex. Spezialist / Spezialista da process cun attestat professiunal federal u Commerziant tecnic / Commerzianta tecnica cun attestat professiunal federal
Examen professiunal superiur (EPS)
P.ex. Manader / Manadra da producziun industriala cun diplom federal
Scola spezialisada superiura (SSS)
Furmaziuns en secturs spezials parentads, p.ex. Tecnicist / Tecnicista da microtecnica dipl. SSS u Designer / Designra da products SSS
Scola auta spezialisada (SAS)
Studis en secturs parentads, p.ex.:
- Bachelor of science en microtecnica
- Bachelor of science en tecnica da maschinas
- Bachelor of arts en design industrial
Tut tenor la scola auta spezialisada valan differentas cundiziuns d'admissiun.
Professiuns sumegliantas
