Spezialista da qualitad en microtecnica AFQ
Spezialist da qualitad en microtecnica AFQ
![[object Object],[object Object]](https://media.sdbb.ch/transform/7ec5727b-b7e5-4c6f-91bd-adc7abc3c19b/GESPERRT_BLOQUE_BLOCCATO?io=transform:fill,width:740,height:490)
1. onn d’emprendissadi: CHF 596–894.–
2. onn d’emprendissadi: CHF 894–1192.–
3. onn d’emprendissadi: CHF 1192–1490.–
Las spezialistas ed ils spezialists da qualitad en microtecnica lavuran en manaschis da microtecnica che produceschan tocs fitg pitschens per l'industria. Cun agid da differents apparats da controlla e da mesiraziun controlleschan els la qualitad dals tocs ed ils process da producziun. Els garanteschan che las prescripziuns, las normas ed ils standards da la clientella u dal manaschi vegnian applitgads ed observads.
Incumbensas
- descriver e planisar in project, uschia ch'el correspunda a las pretensiuns da la clientella
- nudar en scrit e survegliar ils singuls pass, far correcturas sche necessari
- producir tocs simpels cun agid da maschinas
- mesirar cun differents apparats, sch'ils tocs correspundan a las prescripziuns
- garantir uschia la qualitad da la producziun
- elavurar protocols da controlla ensemen cun ils manaders dals lavuratoris e cun las manageras da qualitad, p.ex. per la producziun da tocs u per ils process da producziun
- applitgar ils protocols da controlla ed ils plans d'emprovas da controlla en il lavuratori
- preparar, controllar e configurar correctamain differents apparats da mesiraziun, per survegnir resultats valaivels
- valitar e meglierar la qualitad da la producziun e dals process
- identifitgar ed analisar problems en la producziun
- sviluppar mesiras adattadas per eliminar ils problems
- convocar sesidas per discutar la soluziun dals problems e las mesiras da correctura
- collavurar per elavurar proceduras da qualitad e per realisar controllas da products
Ambient da lavur
Las spezialistas ed ils spezialists da qualitad en microtecnica lavuran en lavuratoris da microtecnica e fan part da teams che sa cumponan da differentas persunas spezialisadas. Els collavuran stretgamain cun la partiziun da producziun e cun il biro tecnic ed èn las persunas da contact per manaders da projects, per inschigneras, per manadras da producziun, per managers da qualitad e per manadras da lavuratoris.
Las spezialistas ed ils spezialists da qualitad en microtecnica chattan plazzas da lavur en tut las branschas, nua ch'i vegnan producids apparats d'auta precisiun: en l'industria d'uras, en la mecanica da precisiun, en la robotica ed electronica, ma er en l'aviatica ed astronautica, en la telecommunicaziun, en l'optica u en la tecnica medicinala. Las paucas plazzas d'emprendissadi en l'industria sa concentreschan sin la regiun d'uras tranter Genevra e Schaffusa.
Silsuenter pon las spezialistas ed ils spezialists da qualitad en microtecnica lavurar per exempel sco controllader da qualitad, sco tecnicista da mesiraziun u sco manader da la controlla da qualitad.
Pretensiuns e interess
- Abilitad da lavurar en in team
- Abilitads analiticas
- Senn per connexs
- Moda da lavurar sistematica
- Abilitad da communitgar
- Exactadad
- Moda da lavurar conscienziusa ed exacta
- Chapientscha tecnica
- Lavurar en moda exacta
- Schliar incumbensas tecnicas
- Lavurar endadens
- Lavurar en il team
Scolaziun
En in manaschi da la branscha da microtecnica u d'uras
1 fin 2 dis per emna en la scola professiunala spezialisada
Emprender la lavur pratica, approfundar ed exercitar las basas professiunalas, 20 dis durant il 2. e 3. onn.
ceff INDUSTRIE, St.Imier, BE (franzos)
Dapli infurmaziuns: www.berufsberatung.ch/schulen
4 onns
- Terminà scola obligatorica
- Examen d'admissiun en il manaschi d'emprendissadi u en la scola professiunala
Sche las prestaziuns da scola èn fitg bunas, po ins frequentar la scola da maturitad professiunala durant la furmaziun fundamentala.
Spezialist / Spezialista da qualitad en microtecnica AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas
Examen professiunal (EP)
Spezialist/-a da process cun certificat professiunal federal u commerziant/-a tecnic/-a cun certificat professiunal federal
Examen professiunal superiur (EPS)
P.ex. manader/-dra da producziun Industria
Scola spezialisada superiura (SSS)
P.ex. tecnicist/-a dipl. SSS da microtecnica u tecnicist/-a dipl. SSS da construcziun da maschinas
Scola auta spezialisada (SAS)
Studis en secturs parentads, p.ex. bachelor of science en microtecnica u en tecnica da maschinas. Tut tenor la scola auta spezialisada valan differentas cundiziuns d'admissiun.
Professiuns sumegliantas
