Urera AFQ
Urer AFQ

Correspunda questa professiun a mai?

Mikrotechnik, Uhren

Kunst, Kunsthandwerk

Durada

4 onns

Terminaziun

Eidgenössisches Fähigkeitszeugnis EFZ

Indicaziuns davart il salari

1. onn d’emprendissadi: CHF 596–894.–
2. onn d’emprendissadi: CHF 894–1192.–
3. onn d’emprendissadi: CHF 1192–1490.–
4. onn d’emprendissadi: CHF 1490–1788.–

Urers ed ureras s’occupan cun la producziun e la montascha d’uras da tuttas sorts. Els mainan tras lavurs da mantegniment e reparaturas. En il labor dovran els differents proceders d’examinaziun e controlla.

Tips

Lehrstellenbewerbung Candidarsi per un posto di apprendistato

Incumbensas

Preparaziun

fabritgar utensils simpels ed equipament per montar il mecanissem da l'ura e tocca giavischada
resguardar las prescripziuns da la protecziun da la sanadad e da l'ambient, sco er la segirezza da lavur

Montar uras

metter ensemen uras mecanicas, automaticas e simplas uras electronica, sco er montar e demontar cronografs
reglar las uras per ch'ellas giajan exactamain
exequir lavurs per cumplettar ed entular las uras

Reparar e mantegnair uras

exequir lavurs da reparatura vid il mecanissem ed l'equipament (Habillage) da l'ura
demontar l’ura e tschertgar la funtauna per il sbagl
far tests e mesiraziun (per exempel l'exactadad da l'ura) en il labor
garantir il servetsch per la clientella: da l'offerta al quint
examinar e controllar

Tut tenor direcziun far lavurs da reparatura vid uras da bratsch u vid uras cun perpendicul e fabritgar tocca singula ch'i dovra (direcziun: rhabillage) per quai u optimar ils process industrials (direcziun: metodas industrialas).

Ambient da lavur

Urers ed ureras èn spezialists cun abilitads multifaras ed experts tschertgads. Els lavuran tant en l’industria d’uras ed en fatschentas spezialisadas d’uras, sco er en manaschis da la microtecnica u en in’autra branscha da precisiun. Els lavuran en manaschis pitschens, mesauns e gronds che produceschan u vendan palettas da products differentamain multifaras. Urers chattan ina plazza da lavur en il servetsch da clientella, en la vendita, en labors u en ils differents process da producziun.

La tschertga da plazzas d’emprendissadi sa restrenscha principalmain sin l’industria d’uras en la regiun da l’artg dal Giura tranter Genevra e Schaffusa.

Pretensiuns e interess

Pretensiuns

Inschign manual
Buna vesida
Abilitad da sa concentrar
Moda da lavurar conscienziusa ed exacta
Moda da lavurar sistematica
Senn per igiena e per nettezza
Chapientscha tecnica

Interess

Lavurar en moda exacta
Schliar incumbensas tecnicas
Elavurar metal
Lavurar cun maschinas

Scolaziun

Manaschis

En in manaschi da l’industria d’uras, en ina fatschenta spezialisada d’uras u a la scola professiunala ZeitZentrum a Grenchen (en connex cun la scolaziun a temp cumplain)

Scola

1½ dis per emna a la scola professiunala

Curs odaifer il manaschi

Emprender ed exercitar a moda pratica la basa professiunala

Durada

4 onns

Accents

Rhabillage
Metodas industrialas

Cundiziuns d'admissiun

Temp da scola obligatoric terminà

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Titel da finiziun

Urer / Urera AFQ

Furmaziun cuntinuonta

Curs

Purschidas da la federaziun dals patruns da l’industria d’uras svizra e da scolas spezialisadas da la branscha d’uras

Examen professiunal superiur (EPS)

Maistra urera
Actualmain na vegnan manads tras nagins examens.

Scola spezialisada superiura (SSS)

P.ex. tecnicist dipl. SSS microtecnica (cun differentas approfundaziuns), tecnicista dipl. SSS construcziun da maschinas, approfundaziun tecnica da producziun

Scola auta spezialisada (SAS)

P.ex. Bachelor of Science (SAS) en microtecnica, Bachelor of Arts (SAS) en design da product ed industria. Tut tenor scol'auta specialisada valan differentas cundiziuns admissiun.