![[object Object],[object Object]](https://media.sdbb.ch/transform/d5727fdf-91c7-4597-bcc7-3a3833a5bdac/13_Uhrmacherin_produktion_LV-jpg?io=transform:fill,width:740,height:490)
1. onn d’emprendissadi: CHF 596–894.–
2. onn d’emprendissadi: CHF 894–1192.–
3. onn d’emprendissadi: CHF 1192–1490.–
Urers ed ureras da producziun mettan ensemen uras mecanicas, automaticas ed electronicas. Els mainan tras controllas da funcziun e lavurs da revisiun.
Incumbensas
- fabritgar guaffens ed equipament
- metter ensemen uras mecanicas, automaticas e simplas uras electronica, sco er montar e demontar cronografs
- entular mecanissems da l'ura
- drizzar e regular l'ura
- ademplir da tut temp las pretensius da precisiun
- examinar e controllar
- remplazzar tocca rutta (p.ex. vaiders da las uras, plat da lura, lantschettas) e far reparaturas
- organisar las lavurs da la producziun ed eliminar mancos e disturbis en il process da producziun
- fabritgar documentaziuns electronicas per la producziun
- far diever da las mesiras da qualitad
- garantir la segirezza da lavur, sco er garantir la protecziun da sanadad e protecziun da l'ambient
Ambient da lavur
Urers da producziun èn spezialists tschertgads. Els lavuran tant en l’industria d’uras sco er en fatschentas spezialisadas d’uras sco er en manaschis da la microtecnica, da la tecnica medicinala u en autras branschas da precisiun.
La purschida da plazzas d’emprendissadi per urers da producziun sa limitescha principalmain sin la regiun da l’industria d’uras en l’artg dal Giura tranter Genevra e Schaffusa.
Pretensiuns e interess
- Inschign manual
- Buna vesida
- Abilitad da sa concentrar
- Moda da lavurar conscienziusa ed exacta
- Moda da lavurar sistematica
- Senn per igiena e per nettezza
- Chapientscha tecnica
- Lavurar en moda exacta
- Schliar incumbensas tecnicas
- Elavurar metal
- Lavurar cun maschinas
Scolaziun
En in manaschi da l’industria d’uras
1½ di per emna a la scola professiunala ZeitZentrum a Grenchen
Emprender ed exercitar a moda pratica la basa professiunala
3 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Urer / Urera da producziun AFQ
Furmaziun cuntinuonta
Curs
Purschidas da la federaziun da patruns da l’industria d’uras svizra e da scolas spezialisadas da la branscha d’uras
Urer / urera AFQ
Urers / ureras da producziun pon frequentar ina furmaziun da basa scursanida sco urer / urera AFQ (access al 3. onn da furmaziun da basa).
Examen professiunal superiur (EPS)
Maister urer
Actualmain na vegnan manads tras nagins examens.
Scola spezialisada superiura (SSS)
P.ex. tecnicist / tecnicista microtecnica dipl. SSS (cun differentas approfundaziuns), tecnicist / tecnicista dipl. SSS construcziun da maschinas, approfundaziun tecnica da producziun
Scola auta spezialisada (SAS)
P.ex. Bachelor of Science (SAS) en microtecnica, Bachelor of Arts (SAS) en design da product ed industria. Tut tenor scola auta spezialisada valan differentas cundiziuns d'admissiun.
Professiuns sumegliantas
