![[object Object],[object Object]](https://media.sdbb.ch/transform/1485c67e-c440-40b7-8ef3-078aa40c9590/BIJOU-5354-jpg?io=transform:fill,width:740,height:490)
Sco aurera u aurer sviluppeschas e produceschas ti bischutaria. Ti cusseglias la clientella en connex cun reparaturas, fas offertas e liquideschas lavurs administrativas.
Incumbensas
- cussegliar la clientella davart bischutaria
- far offertas per producir, elavurar e reparar bischutaria
- sclerir, sch'igl è pussaivel da far las lavurs e sche la bischutaria pudess vegnir donnegiada
- liquidar lavurs administrativas, p.ex. infurmar la clientella, cura che lur product è pront, u scriver quints
- sviluppar ideas e concepts per bischutaria
- far skizzas, maletgs u dissegns da bischutaria
- definir il material per producir la bischutaria
- planisar ils pass da lavur per la producziun da bischutaria
- elavurar datas digitalas per producir bischutaria cun agid da computers
- modifitgar tocs da cliniez a nova bischutaria u far reparaturas
- producir bischutaria da metal: cular e batter metal
- modellar ed ornar surfatschas
- colliar tocs da metal u d'auter material, p.ex. cun lutegiar, buglir u tatgar
- elavurar surfatschas, p.ex. glischentar la bischutaria
- integrar ed enchastrar pedras preziusas
Ambient da lavur
Sco aurera u aurer lavuras ti suletta u sulet ubain en in pitschen team en in lavuratori.
Ti pos lavurar per grondas interpresas da l'industria da bischutaria, en manaschis artisanals pli pitschens u en ateliers.
Pretensiuns e interess
- Talent da dissegnar
- Inschign manual
- Senn per estetica
- Creativitad
- Moda da lavurar conscienziusa ed exacta
- Buna vesida
- Imaginaziun tridimensiunala
- Dissegnar, decorar, crear
- Lavurar cun ils mauns
- Elavurar metal
- Lavurar endadens
Scolaziun
Furmaziun pratica en in'aureria: 4 dis per emna
1 di per emna en las scolas professiunalas spezialisadas chantunalas
En plirs chantuns: 74 dis durant 4 onns
4 onns
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Aurer / Aurera AFQ
Furmaziun cuntinuonta
Curs
Curs da l'Associaziun svizra da las fatschentas spezialisadas d'uras e bischutaria (VSGU-ASHB)
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en design
Tut tenor la scola auta spezialisada valan differentas cundiziuns d'admissiun.
Professiuns sumegliantas
