![[object Object],[object Object]](https://media.sdbb.ch/transform/222de684-9f6c-4a4f-8212-2181ba5973b4/06_Vergolderin_FS-jpg?io=transform:fill,width:740,height:490)
1. onn d’emprendissadi: CHF 620.–
2. onn d’emprendissadi: CHF 770.–
3. onn d’emprendissadi: CHF 995.–
4. onn d’emprendissadi: CHF 1065.–
Sco surdoradra-enramadra u surdorader-enramader produceschas ti roms per maletgs e spievels. Ti enrameschas maletgs ed objects. Ti surdoreschas u colureschas ils roms, p.ex. cun folia d'aur u d'argient, empizzida e vernischs. Ti cusseglias la clientella davart ils stils ed ils materials che vegnan en dumonda per enramar u restaurar l'object.
Incumbensas
- producir roms
- cussegliar la clientella davart il stil, las colurs ed il material
- tschertgar u empustar laina adattada
- tagliar e collar la laina sin mesira
- glimar ils roms e grundar cun fundament da crida
- tagliar il metal da fegl, p.ex. aur, e transponer il metal da fegl sin ils roms, p.ex. tras surdorada da poliment u dad ieli
- maschadar la colur e stritgar ils roms, vernischar e patinar, pia laschar far ruina
- elavurar la surfatscha, per ch'il rom vesia ora vegl
- tagliar il chartun per passepartout, pia la vart davos dal rom dal maletg, ed il vaider
- elavurar urs da vaider
- crear e montar purtaders da maletgs
- enramar maletg
- allontanar las parts veglias dal rom
- construir da nov ed utilisar elements mancants
- surdorar da nov il rom
- pulir e patinar il rom
- mantegnair utensils e maschinas
Ambient da lavur
Sco surdoradra-enramadra u surdorader-enramader lavuras ti en in lavuratori ed es savens per viadi, p.ex. en baselgias, museums, manaschis da restauraziun u fatschentas spezialisadas d'enramaziun. Ti stas bler tar la lavur.
Ti chattas plazzas en manaschis da surdorar. Suenter in'experientscha professiunala da plirs onns pos ti ta far independenta u independent.
Pretensiuns e interess
- Senn per estetica
- Talent da dissegnar
- Moda da lavurar independenta
- Creativitad
- Inschign manual
- Moda da lavurar conscienziusa ed exacta
- Lavurar endadens
- Lavurar cun ils mauns
- Lavurar en moda exacta
- Elavurar lain
- Lavurar cun arschiglia, crap e vaider
Scolaziun
Furmaziun pratica en in manaschi da surdorar: 4 dis per emna
1 di per emna en la Scola d'art applitgà, Stettlen (BE)
Scola d'art applitgà, Stettlen: 16 dis durant 4 onns
4 onns
- Terminà la scola obligatorica
- Intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Surdorader-enramader / Surdoradra-enramadra AFQ
Furmaziun cuntinuonta
Curs
Curs da l'Associaziun svizra maletg e rom (SVBR)
Scola auta spezialisada (SAS)
- Bachelor of arts en conservaziun-restauraziun
Tut tenor la scola auta spezialisada valan differentas cundiziuns d'admissiun.
Furmaziuns supplementaras a l'exteriur
- Maistra surdoradra u maister surdorader a la Städtische Meisterschule für das Vergolderhandwerk/Kirchenmalerei a Minca (DE)
Professiuns sumegliantas
