![[object Object],[object Object]](https://media.sdbb.ch/transform/ae413c58-b1a5-4bd6-8a06-c83d4d2baebd/06_Glasmaler_FS-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 800.–
3. onn d’emprendissadi: CHF 1000.–
4. onn d’emprendissadi: CHF 1200.–
Sco pictura u pictur sin vaider concepeschas e reparas ti picturas sin vaider e fanestras d'art. Ti cumbineschas tocca da vaider da differentas colurs e furmas motivs. E ti restaureschas picturas istoricas sin vaider.
Incumbensas
- prender encunter ils giavischs da la clientella
- elavurar concepts da colurs ed ideas creativas
- producir skizzas e dissegns tecnics
- discutar las skizzas cun la clientella
- prender encunter e discutar concepts d'artistas ed artists
- tagliar tocca da vaider
- picturar cun differentas tecnicas sin vaider, p.ex. plumin nair («Schwarzlot»), ina colur d'emagl che consista da metaloxids e da pulvra da vaider u mellen argientà («Silbergelb»), ina colur d'emagl cun elements d'argient
- arder vaiders colurads en il furn per fixar las colurs
- cumbinar vaiders da colur e colliar els cun glistas da plum, uschia ch'i resulta in maletg
- luentar, modellar e tatgar ensemen vaider
- allontanar veglias picturas sin vaider
- remplazzar elements che mancan cun resguardar il colurit u la grossezza dal vaider
- metter ensemen ed enramar novs e vegls elements
- nettegiar picturas sin vaider
Ambient da lavur
Sco pictura u pictur sin vaider lavuras ti en in lavuratori, savens suletta u sulet ubain en pitschens teams.
Sche ti rimnas experientschas professiunalas durant plirs onns, has ti suenter bunas premissas per fundar in agen atelier. Las plazzas d'emprendissadi èn stgarsas, perquai che mo fitg paucas fatschentas da pictura sin vaider scoleschan emprendistas ed emprendists.
Pretensiuns e interess
- Moda da lavurar independenta
- Talent da dissegnar
- Creativitad
- Talent artistic
- Inschign manual
- Nagins disturbis da vesair colurs
- Moda da lavurar conscienziusa ed exacta
- Exactadad
- Dissegnar, decorar, crear
- Lavurar cun arschiglia, crap e vaider
Scolaziun
Furmaziun pratica en ina fatschenta da pictura sin vaider: 4 dis per emna
1 di per emna en la Scola d'art applitgà, Stettlen (BE)
Scola d'art applitgà, Stettlen: 20 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Pictur / Pictura sin vaider AFQ
Furmaziun cuntinuonta
Examen professiunal (EP)
- Artisan / Artisana da tgira da monuments EP
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en conservaziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
