Cheramicher AFQ
Cheramicra AFQ
![[object Object],[object Object]](https://media.sdbb.ch/transform/3f00931d-dcc7-488a-bf7c-ca0bbaed9add/06_Keramiker_FS-jpg?io=transform:fill,width:740,height:490)
Sco cheramicra u cheramicher produceschas ti objects da cheramica. Davent dal sboz fin a la commerzialisaziun has ti la responsabladad. Ti furmas, decoreschas ed ardas ils objects. Ti elavuras objects dal mintgadi, sco cuppins, tagliers e vasas. Er objects decorativs sco sculpturas e mosaics tutgan latiers.
Incumbensas
- rimnar e studegiar infurmaziuns e documents e controllar, sch'il project è realisabel
- far skizzas e models a maun u cun agid d'ina software adattada
- far emprovas, sco che objects pon vegnir furmads, decorads u ars
- definir l'arschiglia adattada e stimar, quanta arschiglia ch'i dovra
- furmar objects, p.ex. als cular u furmar sin la rudella da vaschler
- colurar e decorar la surfatscha, p.ex. cun penels, buls u folias per transponer in maletg
- dar si ina glasura transparenta u da colur sin ils objects
- arder ils objects cun la dretga tecnica
- controllar la qualitad, identifitgar sbagls e far adattaziuns
- elavurar documents per preschentar ils products
- preschentar bain e fotografar ils products, p.ex. per prospects u paginas d'internet
- preschentar e vender ils products, p.ex. sin exposiziuns, messas u fieras
- controllar il deposit, empustar materias primas e depositar correctamain ils objects finids
- tegnair en urden ils guaffens ed il material
- observar las prescripziuns ecologicas, p.ex. cun dismetter urden
- far la contabilitad dal manaschi, p.ex. calcular las expensas e fixar ils pretschs
Ambient da lavur
Sco cheramicra u cheramicher lavuras ti en tes agen lavuratori u mintgatant er en in lavuratori communabel. Tut tenor ils products che ti creeschas, lavuras ti suletta u sulet ubain ensemen cun producents da bischutaria, designras, flurists u architectas.
Savens has ti in'activitad da gudogn independenta. Quai premetta in grond engaschament persunal ed in dun d'interprendider. Ti stos far reclama per tias ovras, p.ex. sin fieras ed exposiziuns.
Pretensiuns e interess
- Inschign manual
- Moda da lavurar independenta
- Talent artistic
- Creativitad
- Moda da lavurar conscienziusa ed exacta
- Plaschair dal contact cun glieud
- Plaschair da vender e da cussegliar
- Imaginaziun tridimensiunala
- Lavurar cun ils mauns
- Lavurar cun arschiglia, crap e vaider
- Dissegnar, decorar, crear
Scolaziun
Furmaziun pratica en in manaschi da cheramica: 3 fin 3,5 dis per emna
1,5 fin 2 dis per emna en la Scola d'art applitgà, Stettlen (BE)
Scola d'art applitgà, Stettlen (BE): 9 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Cheramicher / Cheramicra AFQ
Furmaziun cuntinuonta
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en design
Tut tenor la scola auta spezialisada valan differentas cundiziuns d'admissiun.
Furmaziuns supplementaras a l'exteriur
- Studi da bachelor e master en Art liber cheramica en la Scola auta spezialisada a Koblenz (DE)
- Maister cheramicher / Maistra cheramicra en la Scola spezialisada statala per cheramica a Landshut (DE)
Professiuns sumegliantas
