![[object Object],[object Object]](https://media.sdbb.ch/transform/5da87caf-b16c-4ce4-8be1-bff5c5d3d86d/08_Industriekeramiker_-jpg?io=transform:fill,width:740,height:490)
Cheramistas e cheramists d’industria creeschan products da cheramica e da metal dir. Lur champ da lavur s'extenda dal preparar e tractar las materias primas fin a la fabricaziun finala dals products.
Incumbensas
Independent da l'accent tutgan a la glieud da professiuns lavurs d'endrizzar, survegliar e documentar ils process da producziun cun indrizs dirigids dal computer en las hallas da fabricaziun.
- producir serias da plattinas per pignas, cheminés, mobiglias che stgaudan sco era cheramica da construcziun per spazis dador e dadens
- dar furma a la massa da cheramica cun la cular, smatgar e furmar a maun
- producir artitgels sanitars sco lavabos e tualettas, vaschella, cheramica decorativa sco era plattinas da paraid e da fund
- garantir ch'il product cheramic cun glasura e cun surfatscha funcziunala adempleschia pretensiuns tecnicas, chemicas ed igienicas
- producir quadrels e tievlas ord arschiglia
- producir en process automatisads ils tocs nunelavurads, laschar sientar e brischar els en lungs furns a tunnel
- producir filters da particlas e catalisaturs per motors che nettegian las svapurs dals motors da divers indrizs mobils e staziunars
- producir furmas per products cheramics cun agid da models da gip
- producir or da carbid da volfram e cobalt sco er or dad auters supplements da liaments metals dirs, che vegnian applitgads en l’industria d’automobils, l’aviatica e l’industria da maschinas
Ambient da lavur
Suenter l’emprendissadi han cheramists e cheramistas d’industria la pussaivladad da lavurar en differents secturs industrials. Ina glista actuala dals manaschis d'emprendissadi chattan ins sin la pagina d'internet da l’Associaziun svizra da l’industria da terracotga.
Pretensiuns e interess
- Inschign manual
- Chapientscha tecnica
- Moda da lavurar conscienziusa ed exacta
- Abilitad da lavurar en in team
- Gronda toleranza da canera
- Resistenza a la temperatura u a l'aura
- Nagins disturbis da vesair colurs
- Schliar incumbensas tecnicas
- Lavurar cun arschiglia, crap e vaider
- Lavurar cun maschinas
Scolaziun
En in manaschi spezialisà en la direcziun tschernida da l’industria da cheramica
In di per emna a la scola professiunala spezialisada a Berna
Curs tar il tema "Apparats, maschinas ed indrizs per la producziun industrial-cheramica" en l'emprim onn d'emprendissadi (4 dis)
3 onns
- Cheramica da construcziun
- Cheramica fina
- Cheramica groppa
- Cheramica tecnica
- Construcziun da models
- Producziun da metal dir
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Cheramist / Cheramista d’industria AFQ
Furmaziun cuntinuonta
Curs
Purschidas da scolas spezialisadas e professiunalas spezialisadas. Ultra da quai han manaschis da l’industria da quadrels buns contacts cun manaschis en l’exteriur e pussibiliteschan il barat d’experientschas tranter ils cheramists d’industria.
Examen professiunal (EP)
P.ex. spezialista da mantegniment cun certificat professiunal federal
Examen professiunal superiur (EPS)
P.ex. manader facility management e mantegniment dipl.
Scola spezialisada superiura (SSS)
Studis en champs parentads, p.ex. tecnicista dipl. SSS per process d‘interpresa
En Germania
Tecnicist / tecnicista da cheramica a la Scola spezialisada superiura per la furmaziun e la tecnica da cheramica a Höhr-Grenzhausen
Professiuns sumegliantas
