![[object Object],[object Object]](https://media.sdbb.ch/transform/0cde9764-c76f-44bd-8c47-bc53904e9ebc/13_Gusstechnologe_SL-jpg?io=transform:fill,width:740,height:490)
1. onn d’emprendissadi: CHF 747–971.–
2. onn d’emprendissadi: CHF 971–1077.–
3. onn d’emprendissadi: CHF 1230–1403.–
4. onn d’emprendissadi: CHF 1568–1606.–
Tecnologs e tecnologas da culaditsch produceschan tocca da construcziun or da metal sco per exempel spinas d'aua, chaschas da computer u tocca da motors per differentas branschas d'industria. Els cusseglian la clientella, planiseschan la producziun da las furmas permanentas u per las furmas en culaditschs singuls, controlleschan la producziun e surpiglian controllas da qualitad.
Incumbensas
- examinar las dumondas da la clientella e far offertas
- calcular ils custs ed il temp da producziun
- far in plan da lavur ed ina glista da material
- dar l'incumbensa per la producziun d'indrizs da model al construider da models ed al constructur da furmas
- sviluppar models e furmas da cular
- analisar differentas sorts da sablun, p.ex. sin la grondezza dal sablun, sin il cuntegn d'aua, sin la tempra e sin la fermezza
- analisar la consistenza da metals, tschaira e materia sintetica
- extrair metal luà sco atschal, fier u aluminium e controllar la constituziun dal liament
- controllar la tocca culada ad egl u cun tecnologia da computer sin sbagls
- mesirar la fermezza da la tocca producida enten suttametter quella a tschertas cundiziuns sco pressiun, temperatura u culps
- reutilisar tscherts materials sco sablun
- manar la producziun dals models da cular
- reparter las lavurs singulas sin il team e fixar termins
- controllar models, qualitad da las furmas da cular e products finals
- programmar ils indrizs automatics
- prender part da la producziun
- endrizzar tscherts indrizs da cular
- survegliar l'occupaziun dals furns e las temperaturas da luada
- s'occupar dal nettegiament e mantegniment dals indrizs
Ambient da lavur
Tecnologs e tecnologas da culaditsch lavuran en ils biros tecnics d'ina cularia u en hallas da furmas e cularia. La glieud da professiun fan part d'in team e lavuran ensemen cun inschigneras e furmaders da culaditschs. En manaschis pli gronds èsi pussaivel da lavurar en squadras.
Interessads han bunas schanzas sin ina plazza d’emprendissadi, sch’els èn flexibels pertutgant il lieu da lavur.
Pretensiuns e interess
- Inschign manual
- Resistenza a la temperatura u a l'aura
- Gronda toleranza da canera
- Resistenza corporala
- Moda da lavurar sistematica
- Imaginaziun tridimensiunala
- Moda da lavurar conscienziusa ed exacta
- Abilitad da lavurar en in team
- Elavurar metal
- Lavurar cun maschinas
- Esser corporalmain activ
- Schliar incumbensas tecnicas
Scolaziun
En ina cularia, cumplettà tras 2 praticums en mintgamai l'autra direcziun.
1-2 dis per emna a la scola professiunala.
Emprender ed exercitar a moda pratica la basa professiunala, 26 dis durant 4 onns.
4 onns
- Construcziun da models da cularia
- Furmas permanentas
- Furmas perdidas
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Tecnolog / Tecnologa da culaditsch AFQ
Furmaziun cuntinuonta
Curs
Purschidas da l’Associaziun da cularia da Schweiz GVS e da scolas professiunalas
Examen professiunal (EP)
Cun certificat professiunal federal: spezialist / spezialista da process, spezialist / spezialista da producziun
Examen professiunal superiur (EPS)
Maister / Maistra d’industria
Scola spezialisada superiura (SSS)
Cun diplom SSS, p.ex. tecnicist / tecnicista construcziun da metal, tecnicist / tecnicista construcziun da metal, tecnicist / tecnicista process d’interpresas
Scola auta spezialisada (SAS)
P.ex. Bachelor of Science (SAS) en tecnica da maschinas
Tut tenor scola auta spezialisada valan differentas cundiziuns d'admissiun.
Professiuns sumegliantas
