![[object Object],[object Object]](https://media.sdbb.ch/transform/37dc09cb-3b53-4329-b43c-248506f2a1a3/13_Formenbauer_SL-jpg?io=transform:fill,width:740,height:490)
1. onn d’emprendissadi: CHF 600–700.–
2. onn d’emprendissadi: CHF 700–850.–
3. onn d’emprendissadi: CHF 900–1100.–
4. onn d’emprendissadi: CHF 1150–1350.–
Constructurs e constructuras da furmas fabritgeschan models, furmas e prototips surtut per l’industria da maschinas, d'aviuns, da vehichels e da cularia. Els applitgeschan tant tecnologias modernas sco era tecnicas d’elavuraziun nua ch’igl inschign manual è dumandà.
Incumbensas
- guardar e chapir dissegns en furma da datotecas da CAD (Computer Aided Design)
- adattar las datas e far novs dissegns tenor ils giavischs da la clientella sche necessari
- planisar il temp da lavur e calcular ils custs
- far la planisaziun dal material, administrar l'inventari ed empustar novs materials, p.ex. materials cumponì da fibra, lain, metals u materias sinteticas diras e liquidas
- endrizzar maschinas, er enconuscher e pudair manischar CAM (Computer Aided Manufacturing)
- duvrar differentas tecnicas, per fabritgar furmas e models, p.ex. resgiar, glimar, tatgar, furar, laminar, fresar e storscher, enconuscher e duvrar correctamain differents materials
- enconuscher e duvrar correctamain differents tocs en elavuraziun
- siar, endirar e laschar sfradentar las furmas ed alura statgar la reproducziun cun quità
- controllar la qualitad e megliurar sbagls sche necessari
- tatgar u montar ulteriurs elements e tractar las surfatschas
- dar vinavant ils model e prototips a las cularias u als studios da design
- mantegnair e nettegiar maschinas, guaffens ed il plaz da lavur
- scriver rapports da lavur, archivar la documentaziun
- dismetter u reciclar il rument adattà a l'ambient
- enconuscher e far diever da las perscripziuns per la segirezza da lavur e la protecziun da l'ambient
Ambient da lavur
Construiders da furmas lavuran surtut en manaschis da construcziun da models ed en cularias, latiers sa tracti da firmas pitschnas e mesaunas. Els han la pussaivladad da sa spezialisar en differentas direcziuns, p.ex. sco constructur, programmader CAD/CAM u fresader CAM.
Construiders da furmas han bunas schanzas sin la fiera da lavur, cunquai ch’els èn disads tras lur furmaziun extendida da lavurar cun different material, da manevrar differentas maschinas e da schliar incumbensas cumplexas.
Pretensiuns e interess
- Inschign manual
- Moda da lavurar independenta
- Talent da dissegnar
- Imaginaziun tridimensiunala
- Gronda toleranza da canera
- Abilitads analiticas
- Dun per cifras
- Moda da lavurar sistematica
- Lavurar cun maschinas
- Elavurar metal
- Planisar, construir, far dissegn tecnic
- Lavurar en moda exacta
- Schliar incumbensas tecnicas
Scolaziun
En in manaschi da construcziun da models u da furmas.
1.5 dis per emna a la scola professiunala.
Approfundar la savida, 26 dis durant 4 onns
4 onns
Scola populara terminada
Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.
Constructur / Constructura da furmas AFQ
Furmaziun cuntinuonta
Curs
Purschidas da scolas professiunalas, da SWISS FORM ed autras associaziuns professiunalas
Examen professiunal (EP)
Spezialist da process cun certificat professiunal federal
Examen professiunal superiur (EPS)
Directura da la producziun, industria dipl.
Scola spezialisada superiura (SSS)
P.ex. tecnicist dipl. SSS construcziun da maschinas, tecnicista dipl. SSS construcziun en metal
Scola auta spezialisada (SAS)
P.ex. Bachelor of Arts (SAS) en design da products e d’industria, Bachelor of Science (SAS) en tecnica da maschinas. Tut tenor scola auta spezialisada valan differentas cundiziuns d'admissiun.
Professiuns sumegliantas
