Furmadra da culaditschs AFQ
Furmader da culaditschs AFQ
![[object Object],[object Object]](https://media.sdbb.ch/transform/7a076b13-fcbe-4e22-804b-29a485ef7883/13_Gussformer_SL-jpg?io=transform:fill,width:740,height:490)
1. onn d’emprendissadi: CHF 747–971.–
2. onn d’emprendissadi: CHF 971–1077.–
3. onn d’emprendissadi: CHF 1230–1403.–
Furmaders e furmadras da culaditschs AFQ produceschan per exempel tocca culada per blocs da motors, viertgels da tumbins, maschinas da café, computers, giugadira artifiziala, stgalas mecanicas e bler auter or da liaments da metal. Per quai fabritgeschan els las furmas da cular e programmeschan ed utiliseschan ils implants da producziun.
Incumbensas
- definir il material da furmaziun sco sablun, cheramica, tschaira, materia sintetica, fier culà, atschal u grafit per la furma da culaditsch
- duvrar ina chista da culaditsch existenta u crear ina tala
- emplenir e cumprimer material da furmaziun
- agiuntar supplements chemics per marventar la materia ed agiuntar elements da rinforzament
- schliar il toc en elavuraziun cun quità da la furma
- cumparegliar il toc en elavuraziun cun il model e megliurar sche necessari
- metter ensemen singula tocca
- elavurar la surfatscha da la furma da culaditsch
- definir la metoda da culaditsch adattada tenor il model sco per exempel culaditsch da sablun, da pressiun, da cochillen u d'art
- programmar, manevrar e mantegnair ils indrizs da producziun
- resguardar las perscripziuns davart la segirezza da lavur
- cular il metal luà en furmas preparadas
- schliar il toc sfradentà ord la furma ed allontanar malgulivezzas da la surfatscha
- examinar la qualitad ad egl u cun tecnologia da computer
- magasinar las furmas permanentas cun indrizs d'auzar
- allontanar la furmas perdidas a maun u cun utensils correspundents
Ambient da lavur
Furmaders e furmadras da culaditschs lavuran en cularias, il pli savens en manaschis pitschens u mesauns. En manaschis gronds èsi pussaivel da lavurar en squadras. Per sa proteger cunter da las temperaturas autas ed il fieu, porta la glieud da professiun vestgadira da lavur speziala per tschertas lavurs. Interessads han bunas schanzas sin ina plazza d’emprendissadi, sch’els èn flexibels pertutgant il lieu da lavur.
Pretensiuns e interess
- Inschign manual
- Resistenza corporala
- Resistenza a la temperatura u a l'aura
- Gronda toleranza da canera
- Abilitad da lavurar en in team
- Moda da lavurar sistematica
- Moda da lavurar conscienziusa ed exacta
- Imaginaziun tridimensiunala
- Elavurar metal
- Schliar incumbensas tecnicas
- Lavurar cun maschinas
- Esser corporalmain activ
Scolaziun
En ina cularia, cumplettà cun 2 praticums en mintgamai l’autra direcziun ed en la construcziun da guaffen u en la cularia da construcziun da models.
1 di per emna a la scola professiunala.
Emprender ed exercitar a moda pratica la basa professiunala, 24 dis durant 3 onns.
3 onns
- Furmas permanentas
- Furmas perdidas
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Furmader / Furmadra da culaditschs AFQ
Furmaziun cuntinuonta
Curs
Purschidas da l’Associaziun da cularia da Schweiz GVS e da scolas professiunalas
Examen professiunal (EP)
Spezialist / spezialista da process cun certificat professiunal federal, spezialist / spezialista da producziun
Examen professiunal superiur (EPS)
Directura da producziun en l'industria dipl.
Scola spezialisada superiura (SSS)
Cun diplom SSS, p.ex. tecnicist / tecnicista construcziun da metal, tecnicist / tecnicista construcziun da metal, tecnicist / tecnicista process d’interpresas
Scola auta spezialisada (SAS)
P.ex. Bachelor of Science (SAS) tecnica da maschinas
Tut tenor scola auta spezialisada valan differentas cundiziuns d'admissiun.
Professiuns sumegliantas
