![[object Object],[object Object]](https://media.sdbb.ch/transform/09232524-f22a-47c6-ae2b-dbbb98276111/06_Graveur_FS-jpg?io=transform:fill,width:740,height:490)
Sco gravadra u gravader creeschas ti ornaments, inscripziuns u stanzadas sin objects sco bischutaria, uras, medaglias u tavlas. Ti lavuras cun metals sco atschal, aur, arom e zin. Ti elavuras ils metals a maun u cun agid d'iseglia e da maschinas.
Incumbensas
- cussegliar la clientella davart il stil e furmas da musters, d'ornaments e da scrittiras
- crear differentas propostas e discutar ellas cun la clientella
- lavurar tenor in tschert muster, sche quai vegn giavischà da la clientella
- producir prototips, quai vul dir, crear in model simplifitgà per guardar, sch'igl è pussaivel da far tut sco planisà
- preparar ils objects che vegnan gravads, p.ex. uras u bischutaria
- pinar ils differents instruments sco cisels e stgalpers
- producir sez u adattar utensils sche necessari, p.ex. resgiar, furar u mular
- transferir dissegns e texts davent d'ina skizza sin in object, p.ex. vopnas, inizialas u logos
- crear en cas da basegn dissegns a maun d'in program da computer
- far schablonas a maun e lura las producir ord atschal
- fixar objects en maschinas, per ch'els na sa glischnian betg durant l'elavuraziun
- gravar musters e texts a maun sin ils objects
- stanzar musters cun agid da schablonas, p.ex. per producir medaglias u munaida
- utilisar maschinas ed instruments che funcziunan cun computer per far gravuras
- giustar correctamain las maschinas, p.ex. giustar la sveltezza e la profunditad dal tagl
- emplenir sin giavisch las gravuras cun colur
Ambient da lavur
Sco gravadra u gravader lavuras ti en lavuratoris, savens en l'industria d'uras, mintgatant er en manaschis industrials, p.ex. da la construcziun da furmas u da la fabricaziun d'utensils. Ti has bunas perspectivas professiunalas en la producziun artisanala d'artitgels da luxus, sco uras, u en la producziun da seria industriala. Igl è er pussaivel da fundar in agen lavuratori. Quai pretenda dentant in grond engaschi.
Pretensiuns e interess
- Moda da lavurar independenta
- Inschign manual
- Talent da dissegnar
- Buna vesida
- Abilitad da sa concentrar
- Creativitad
- Moda da lavurar conscienziusa ed exacta
- Lavurar en moda exacta
- Dissegnar, decorar, crear
- Elavurar metal
- Lavurar cun ils mauns
- Lavurar endadens
Scolaziun
Furmaziun pratica en in atelier da gravura u en in manaschi industrial: 4 dis per emna
1 di per emna en la Scola d'art applitgà Turitg
Dürr Gravuren, Hombrechtikon (ZH): 16 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Gravader / Gravadra AFQ
Furmaziun cuntinuonta
Curs
Curs da la Scola d'art applitgà Turitg
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en design
Tut tenor la scola auta spezialisada valan differentas cundiziuns d'admissiun.
Professiuns sumegliantas
