![[object Object],[object Object]](https://media.sdbb.ch/transform/a103e497-90f5-4877-ab90-948b4fa8653a/13_Micromechanikerin_LV-jpg?io=transform:fill,width:740,height:490)
1. onn d’emprendissadi: CHF 596–894.–
2. onn d’emprendissadi: CHF 894–1192.–
3. onn d’emprendissadi: CHF 1192–1490.–
4. onn d’emprendissadi: CHF 1490–1788.–
Micromecanistas e micromecanists produceschan e monteschan tocs fitg pitschens che vegnan duvrads per la producziun d'apparats e d'iseglia. Per exempel èn quai mecanissems d'ura, protesas medicinalas, instruments da mesirar u da controlla ubain iseglia da stanzar. Els fan unicats, prototips u serias fitg pitschnas. Mintgatant ston els adattar ils plans tecnics a las pussaivladads effectivas da las maschinas da producziun.
Incumbensas
- preparar las lavurs e las maschinas, uschia ch'ina u pliras parts pon vegnir producidas tenor las prescripziuns
- far plans e skizzar tocs
- configurar e programmar maschinas convenziunalas u talas che vegnan reguladas tras computers (CNC)
- endatar infurmaziuns davart il toc che duai vegnir producì e davart l'iseglia en l'indriz da cumond
- transponer il program e las correcturas da l'iseglia en la maschina CNC
- montar l'indriz per la recuperaziun, per ch'ils materials restants possian vegnir reciclads
- utilisar ed applitgar maschinas convenziunalas e maschinas CNC per producir ils tocs giavischads
- analisar rapports da controlla e far optimaziuns
- elavurar independentamain documents da producziun e da lavur
- controllar la qualitad dals tocs producids, glimar e nettegiar ils tocs
- nettegiar las maschinas ed ils indrizs
- producir tocs cun agid da turns automatics, quai èn maschinas che roteschan e che allontaneschan uschia material
- far calculaziuns e pass da lavur per producir tocs da maschina spezials (empalms)
- producir differenta iseglia sco stgalpers u taraders, che vegn duvrada per la decoltascha
- controllar e mesirar ils tocs ch'èn da producir, analisar ils resultats e far correcturas
- producir iseglia da stanzar sco plattas da pressiun, regladers u claviglias cun maschinas convenziunalas
- producir models da cular u buls da metal cun agid da maschinas d'erosiun electricas u da maschinas CNC
- identifitgar, analisar ed eliminar problems en la producziun d'in u da plirs tocs micromecanics
- adattar documentaziuns tecnicas
- analisar datas da producziun e deducir da quai propostas per meglieraziuns
Ambient da lavur
Tecnicistas e tecnicists da microtecnica chattan plazzas da lavur en tut las branschas, nua ch'i vegnan producids apparats d'auta precisiun: en l'industria d'uras, en la mecanica da precisiun, en la robotica ed electronica, ma er en l'aviatica ed astronautica, en la telecommunicaziun, en l'optica u en la tecnica medicinala. Las paucas plazzas d'emprendissadi en l'industria sa concentreschan sin la regiun d'uras tranter Genevra e Schaffusa. Cun dapli experientscha pon els surpigliar posiziuns da gronda responsabladad sco manadra da team u sco commerziant tecnic.
La microtecnica è ina branscha cun grond avegnir che survegn adina dapli impurtanza. Micromecanists e micromecanistas ch'en pronts da sa furmar vinavant han bunas schanzas sin il martgà da lavur. Las paucas plazzas d’emprendissadi en l’industria èn situadas en la regiun, nua ch’i vegnan producidas uras, pia tranter Genevra e Schaffusa.
Pretensiuns e interess
- Inschign manual
- Moda da lavurar conscienziusa ed exacta
- Imaginaziun tridimensiunala
- Chapientscha tecnica
- Moda da lavurar sistematica
- Perseveranza e capacitad da tegnair la dira
- Abilitad da lavurar en in team
- Abilitad da s'adattar a novas tecnologias
- Lavurar en moda exacta
- Schliar incumbensas tecnicas
- Lavurar cun cifras
Scolaziun
En in manaschi da la branscha da microtecnica u d'uras
1 fin 2 dis per emna en la scola professiunala spezialisada
Emprender la lavur pratica, approfundar ed exercitar las basas professiunalas, 20 dis durant il 2. e 3. onn.
Differentas scolas en la Svizra franzosa. Dapli infurmaziuns: https://berufsberatung.ch/schulen
4 onns
A partir dal 3. onn d'emprendissadi
- Producziun e CNC
- Decoltascha
- Iseglia da stanzar/models da cular
- Terminà scola obligatorica
- Examen d'admissiun en il manaschi d'emprendissadi ed en la scola professiunala
Sche las prestaziuns da scola èn fitg bunas, po ins frequentar la scola da maturitad professiunala durant la furmaziun fundamentala.
Micromecanist / Micromecanista AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas
Examen professiunal (EP)
Spezialist/-a da process cun certificat professiunal federal u commerziant/-a tecnic/-a cun certificat professiunal federal
Examen professiunal superiur (EPS)
P.ex. manader/-dra da producziun Industria
Scola spezialisada superiura (SSS)
P.ex. tecnicist/-a dipl. SSS da microtecnica u tecnicist/-a dipl. SSS da construcziun da maschinas
Scola auta spezialisada (SAS)
Studis en secturs specifics parentads, p.ex. bachelor of science en microtecnica u en tecnica da maschinas.
Tut tenor la scola auta spezialisada valan differentas cundiziuns d'admissiun.
Professiuns sumegliantas
