![[object Object],[object Object]](https://media.sdbb.ch/transform/06f0e98c-578d-4c41-a15e-064f1b7740f0/12_Automatikerin_VB-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–
Automaticras ed automatichers sviluppan e construeschan sistems regulativs ed automatisads electrics, p.ex. per roboters industrials, automats da bavrondas u ascensurs. Ellas ed els mettan er en funcziun ils indrizs, als repareschan ed elavuran ils documents tecnics. Las automaticras ed ils automatichers han ina vasta savida en ils secturs da l'electrotecnica, da l'idraulica e da la pneumatica.
Incumbensas
La nova ordinaziun da furmaziun davart la professiun Automaticher / Automaticra AFQ è en vigur dapi il 1. da schaner 2026. Questa descripziun da la professiun vegn actualisada proximamain.
- analisar las pretensiuns da la clientella
- lavurar ensemen cun il team dal biro tecnic vi dal svilup d'in project
- analisar la producziun d'in indriz e decider, tge pass da lavur che pon vegnir automatisads
- lavurar cun ina software u sviluppar ina tala
- proponer soluziuns per l'automatisaziun e testar tala en il labor u al lieu
planisar e survegliar la producziun - elavurar ils documents tecnics per il manaschi ed il mantegniment da l'indriz
- installar a maun d'in plan sistems regulativs ed automatisads
- colliar filfiers ed uders tenor prescripziun
- manar tras tests da funcziunament severs, p.ex. areguard sveltezza, temperatura ed interrupziun d'urgenza
- observar las prescripziuns da segirezza, giustar correctamain l'indriz ed al testar sut differentas cundiziuns d'utilisaziun
- schliar problems u consultar persunas spezialisadas
- metter en funcziun indrizs e colliar differents apparats cun il modul
da cumond - scolar las utilisadras ed ils utilisaders
- chattar ed eliminar ils motivs per disturbis en il lavuratori u al lieu tar la clientella
- prender dapart indrizs, als reparar e puspè metter ensemen
Ambient da lavur
Automaticras u automatichers lavuran en interpresas che applitgeschan proceduras da producziun u da fabricaziun automatisadas. Lur lieu d'activitad è ubain en il lavuratori ubain tar la clientella per metter en funcziun u mantegnair indrizs da regulaziun. Principalmain lavuran ellas ed els ensemen cun inschigneras ed inschigners, electronistas ed electronists, informaticras ed informatichers, polimecanistas e polimecanists sco er cun montadras e montaders d'automatisaziuns.
Las automaticras ed ils automatichers èn fitg dumandads. Ellas ed els chattan lavur en l'industria da maschinas, electrica e da metal (industria MEM), en l'industria da chemia, da victualias u d'emballadis, en il provediment d'energia, en ovras electricas, en l'automatisaziun d'edifizis, en il sectur da transport ubain en instituziuns publicas, p.ex. en ospitals.
Pretensiuns e interess
- Abilitad da s'adattar a novas tecnologias
- Chapientscha tecnica
- Dun per cifras
- Moda da lavurar sistematica
- Abilitad da lavurar en in team
- Inschign manual
- Lavurar en moda exacta
- Lavurar cun cifras
- Schliar incumbensas tecnicas
- S'occupar cun electricitad ed electronica
- Lavurar al computer
Scolaziun
En in manaschi da l’industria da maschinas, da metal e da l’electroindustria (industria MEM).
1 enfin 2 dis per emna a la scola professiunala.
Emprender la lavur pratica, approfundar ed exercitar las basas professiunalas, 50 dis durant 4 onns.
4 onns
Terminà la scola obligatorica
Tgi che ha fitg bunas prestaziuns da scola, po frequentar la scola da maturitad professiunala durant l'emprendissadi.
Automaticher / Automaticra AFQ
Furmaziun cuntinuonta
Curs
Purschidas da scolas spezialisadas e professiunalas sco era d’associaziuns professiunalas sco Swissmechanic, Swissmem Kaderschule e VSAS Verband Schaltanlagen und Automatik Schweiz.
Examen professiunal (EP)
Cun certificat professiunal federal: p.ex. spezialista u spezialist d’automatica, manadra u manader da project e dal lavuratori en la fabricaziun da tavlas electricas, spezialista u spezialist da fabricaziun.
Examen professiunal superiur (EPS)
Maistra u maister indrizs da distribuziun ed automatica, maistra u maister industria.
Scola spezialisada superiura (SSS)
P.ex. tecnicista u tecnicist da sistem dipl. SSS, eletrotecnicista u electrotecnicist dipl. SSS u tecnicista u tecnicist da construcziun da maschinas dipl. SSS
Scola auta spezialisada (SAS)
Studis en secturs spezials parentads, p.ex. bachelor of science en tecnica da maschinas, en electrotecnica u en mecatronica. Tut tenor la scola auta spezialisada valan differentas cundiziuns d'admissiun.
Professiuns sumegliantas
