Electronista da multimedia AFQ
Electronist da multimedia AFQ
Correspunda questa professiun a mai?![[object Object],[object Object]](https://media.sdbb.ch/transform/b50ca396-c8c6-4f1c-86f9-30e395211f68/multimediaelektroniker_n_m_3466-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 750.–
3. onn d’emprendissadi: CHF 950.–
4. onn d’emprendissadi: CHF 1200.–
Electronistas ed electronists da multimedia planiseschan, installeschan e programmeschan apparats e sistems electronics. Quai èn per exempel apparats da televisiun, computers, sistems da segirezza e raits da communicaziun. Els reparan apparats e remplazzan parts ruttas. Ultra da quai cusseglian els la clientella pertutgant apparats e sistems electronics.
Incumbensas
- sviluppar apparats, indrizs e sistems da multimedia uschia, che tals adempleschan ils basegns da la clientella
- stimar, quant temp e tge material che vegn duvrà, far offertas e planisar termins
- preparar il material ed ils urdains
- controllar, programmar e parametrisar ils apparats, quai vul dir als adattar uschia, che lur andament po vegnir reglà correctamain
- enconuscher ed eliminar problems, cun agid da sistems da mesiraziun u d'ina software da diagnosa ch'els collian cun l'apparat u cun il sistem
- reparar apparats da multimedia ruts, per exempel moniturs, autpledaders e computers
- esser en contact cun furniturs, per exempel empustar apparats u returnar apparats ruts cun garanzia
- cussegliar la clientella sco er chapir ed elavurar ses giavischs
- reglar, installar, encablar correctamain ils apparats empustads e guardar, ch'els funcziuneschian ensemen cun auters apparats
- controllar, sche apparats novs u reparads funcziuneschan e nudar ils resultats
- declerar a la clientella, co ch'ils apparats e sistems funcziuneschan e co ch'ella po spargnar energia
- mantegnair apparats e sistems, per exempel actualisar programs sin il smartphone u en la televisiun u nettegiar filters d'aria en apparats
- barattar parts ruttas u apparats ruts
- installar in apparat da substituziun per la clientella, per che l'apparat rut possia vegnir consegnà al lavuratori
- planisar installaziuns, per exempel da sistems da communicaziun d'audio e da video en interpresas
- metter en funcziun sistems u raits
- planisar colliaziuns d'internet e da televisiun d'edifizis e liquidar las lavurs ch'èn necessarias per quai
Ambient da lavur
Electronistas ed electronists da multimedia lavuran tut tenor accent en differents lieus, per exempel en manaschis cun in lavuratori da reparatura u en fatschentas spezialisadas da multimedia. Ils apparats, las marcas ed ils sistems tecnics, cun ils quals els lavuran, pon esser fitg differents. I dat lavurs ch'els ston liquidar sut squitsch da temp, per exempel sch'els ston eliminar in disturbi. Er ad occurrenzas u sin plazzals ston els savair ir enturn cun il squitsch da temp.
Electronistas ed electronists da multimedia chattan lavur en manaschis da la branscha da multimedia, tar interpresas per sistems da segirezza u per sistems da la communicaziun audiovisuala, tar interpresas da raits da communicaziun u er tar purschiders da streaming. Els pon er sa far independents e fundar in'atgna interpresa. En questa branscha sa sviluppan ils apparats svelt ed adina dapli tecnologias arrivan sin il martgà. Igl è impurtant, che las electronistas ed ils electronists da multimedia s'infurmeschian davart quests svilups.
Pretensiuns e interess
- Abilitad da s'adattar a novas tecnologias
- Chapientscha tecnica
- Inschign manual
- Moda da lavurar sistematica
- Moda da lavurar conscienziusa ed exacta
- Prontezza d'esser savens sin viadi
- Plaschair da vender e da cussegliar
- S'occupar cun electricitad ed electronica
- Lavurar en moda exacta
- Experimentar, perscrutar
- Schliar incumbensas tecnicas
Scolaziun
En ina fatschenta spezialisada da multimedia u en ina interpresa da raits da communicaziun
1 fin 2 dis per emna en la scola professiunala spezialisada
Emprender la lavur pratica, approfundar ed exercitar las basas professiunalas, 25 dis durant 4 onns.
4 onns
- Tecnica da divertiment e da communicaziun
- Indrizs d'emissiun, indrizs da retschaviment e raits da communicaziun
- Tecnica d'audio, da video e da segirezza
Terminà la scola obligatorica
En cas da fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Electronist / Electronista da multimedia AFQ
Furmaziun cuntinuonta
Curs
Purschidas da scolas professiunalas spezialisadas e da scolas spezialisadas superiuras sco er da l'associaziun professiunala MMTS.
Examen professiunal (EP)
Cun attestat professiunal federal, per exempel:
- Electronist / Electronista da multimedia
- Tecnicist / Tecnicista da tun
- Tecnicist / Tecnicista audio-video
- Commerziant tecnic / Commerzianta tecnica
Examen professiunal superiur (EPS)
Per exempel manader / manadra dipl. dal servetsch tecnic / service u manader / manadra da facility management e maintenance cun diplom federal.
Scola spezialisada superiura (SSS)
Studis en secturs spezialisads parentads, per exempel tecnicist / tecnicista d'edifizis dipl. SSS, informaticher / informaticra dipl. SSS u electrotecnicist / electrotecnicista dipl. SSS.
Scola auta spezialisada (SAS)
Studis en secturs parentads, p.ex. bachelor of science en electrotecnica, en informatica, en telecommunicaziun u en mecatronica. Tut tenor la scola auta spezialisada valan differentas cundiziuns d'admissiun.
Professiuns sumegliantas
