![[object Object],[object Object]](https://media.sdbb.ch/transform/4ef4ec7a-0877-4cc4-8b18-cdb297868ef1/Informatikerin_EH_013-jpg?io=transform:fill,width:740,height:490)
1. onn d’emprendissadi: CHF 550–700.–
2. onn d’emprendissadi: CHF 750–900.–
3. onn d’emprendissadi: CHF 950–1200.–
4. onn d’emprendissadi: CHF 1250–1500.–
Informaticras ed informatichers AFQ porschan soluziuns per tecnologias d'infurmaziun e da communicaziun (ICT). En il svilup d'applicaziuns programmeschan ellas ed els software per differentas branschas e scoleschan las utilisadras ed ils utilisaders. En il svilup da plattafurmas installeschan ellas ed els sistems d'informatica ed elimineschan disturbis tecnics.
Incumbensas
- prender encunter ils giavischs da la clientella
- fixar il temp, ils custs e la dimensiun da projects
- retschertgar differentas soluziuns dad ICT e preschentar quellas a la clientella
- concepir plans da projects ed infurmar cuntinuadamain tschertas persunas davart il progress
- surdar a la clientella soluziuns dad ICT, scolar las persunas e terminar projects
- installar computers e cumponentas, p.ex. sistem operativ, software, firewall ed antivirus
- elavurar e schliar dumondas da support da computer
- scolar glieud davart programs
- infurmar la clientella davart la protecziun da datas e la segirezza dal computer
- analisar ed arcunar datas
- procurar per la segirezza e la protecziun da datas, p.ex. far backups e surdar dretgs d'access
- metter en funcziun sistems da server e raits
- survegliar e mantegnair sistems da server e ses servetschs
- elavurar dumondas da support
- analisar las pretensiuns da la clientella
- examinar, sch'il problem po vegnir schlià tecnicamain cun in'applicaziun ed elavurar differentas soluziuns
- sviluppar e programmar applicaziuns, p.ex. cun ina software e cun ina lingua da programmar adattada
- controllar la qualitad e la segirezza da l'applicaziun e da las interfatschas
- installar l'applicaziun e procurar per in manaschi senza disturbis
Ambient da lavur
Informaticras ed informatichers AFQ lavuran en teams e mainan projects simpels u projects parzials. Ellas ed els lavuran en biro, èn però er da viadi tar la clientella. Lur temps da lavur pon esser flexibels.
Informaticras u informatichers AFQ lavuran en interpresas da servetschs, d'industria u commerzialas sco er en administraziuns publicas. En il sectur da servetschs datti tranter auter pussaivladads d'engaschament tar bancas, assicuranzas e firmas da software. Las informaticras ed ils informatichers han ina basa solida per sa perfecziunar svelt. Las forzas da lavur èn fitg tschertgadas sin il martgà da lavur ed han fitg bunas schanzas.
Pretensiuns e interess
- Chapientscha tecnica
- Abilitad da s'adattar a novas tecnologias
- Moda da lavurar sistematica
- Creativitad
- Moda da lavurar conscienziusa ed exacta
- Abilitads analiticas
- Plaschair dal contact cun glieud
- Abilitad da lavurar en in team
- Lavurar al computer
- Lavurar cun cifras
- Schliar incumbensas tecnicas
- S'occupar cun electricitad ed electronica
- Lavurar endadens
Scolaziun
En in manaschi da servetsch, d'industria u da mastergn ubain en l'administraziun
1,5 dis per emna en la scola professiunala spezialisada
Emprender, approfundar ed exercitar las basas professiunalas, 35 dis durant 4 onns
Dapli infurmaziuns: berufsberatung.ch/schulen
4 onns
- Svilup d’applicaziuns
- Svilup da plattafurmas
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Informaticher / Informaticra AFQ
Furmaziun cuntinuonta
Curs e seminaris
Purschidas da scolas spezialisadas e da scolas professiunalas spezialisadas sco er d'associaziuns professiunalas
Examen professiunal (EP)
Cun attestat professiunal federal, p.ex.:
• ICT-Application Development Specialist
• ICT-Platform Development Specialist
• Informaticher / Informaticra d'economia
Examen professiunal superiur (EPS)
P.ex. ICT Manager / Managera dipl. u Information Security Manager dipl.
Scola spezialisada superiura (SSS)
Scolaziuns en secturs spezials parentads, p.ex. Informaticher / Informaticra d'economia dipl. SSS u Informaticher / Informaticra dipl. SSS
Scola auta spezialisada (SAS)
Studis en secturs parentads, p.ex. bachelor of science en:
• informatica
• informatica economica
• informatica medicinala
Tut tenor la scola auta spezialisada valan differentas cundiziuns d'admissiun.
Professiuns sumegliantas
