![[object Object],[object Object]](https://media.sdbb.ch/transform/69212c41-0770-418e-9be5-2ffa95c05f1b/electronicien_MT_078-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–
Sco electronista u electronist fas ti colliaziuns electronicas e soluziuns da software ch'èn adattadas per talas, p.ex. per apparats medicinals, la telecommunicaziun u apparats da tegnairchasa. Ti sviluppas e fas plattinas electronicas, regulaziuns e sistems, testeschas quels e prendas quels en funcziun. En quest connex resguardas ti las prescripziuns vertentas e documenteschas ils pass da svilup.
Incumbensas
- sviluppar ideas, concepts e soluziuns tecnicas per products u problems ed observar en quest connex aspects da l'ambient
- controllar, sche incumbensas e projects èn realisabels e crear prototips en quest connex
- elavurar plans dals sistems electrics, models e plans da detagl cun agid da programs da computer
- testar models, controllar cun agid da simulaziuns da computer, sche tut funcziuna
- programmar microcontrolladers che reglan las funcziuns dals apparats electronics
- metter ensemen plattinas electronicas, moduls ed apparats
- saldar, colliar ils fildaroms e metter ensemen las parts da construcziun e montar tals en ina chascha
- furar, resgiar u producir mecanicamain elements da construcziun, p.ex. tavlas da frunt, elements da cumond, fixaziuns u chaschas
- prender en funcziun singuls elements, als controllar, mesirar pliras giadas e testar ils apparats sut las cundiziuns, en las qualas els vegnan duvrads la finala
- crear documentaziuns tecnicas
- producir interfatschas tranter elements da regulaziun e da mesiraziun
- sviluppar programs da microcontrolla
- controllar las pretensiuns envers la software e testar, sch'ils programs funcziunan correctamain
- colliar apparats e servetschs smarts in cun l'auter, p.ex. en ina rait u cloud
- sviluppar apps che permettan da reglar la hardware
- programmar colliaziuns per elements electronics
- leger documents tecnics davart sistems, apparats ed indrizs electronics
- planisar las colliaziuns e fixar il proceder, per metter en funcziun l'indriz
- declerar a las persunas che utiliseschan e che mantegnan l'apparat, co ch'ellas ston proceder
- controllar, sch'ils indrizs e las lingias da producziun automatisadas funcziunan, tschertgar, chattar ed eliminar sbagls
- gidar a meglierar u a cumplettar apparats ed indrizs
- reparar e mantegnair apparats e maschinas en il lavuratori u tar la clientella
Ambient da lavur
Sco electronista u electronist lavuras ti en il lavuratori u en il biro. Tias incumbensas dependan da l'orientaziun da l'interpresa e da la partiziun, nua che ti lavuras.
Ti chattas lavur en blers differents secturs, p.ex. en l'industria da maschinas, en la construcziun d'apparats da controlla e da mesiraziun per medischina, uras u vehichels u en labors da test. Er en centers da telecommunicaziun e da mantegniment, sin plazzas aviaticas, en ospitals u en bancas datti engaschaments. Suenter intgins onns experientscha professiunala pos ti surpigliar dapli responsabladad, p.ex. sco tecnicista da service, sviluppader, manadra d'in lavuratori u d'in manaschi u manader da post da prova.
Pretensiuns e interess
- Chapientscha tecnica
- Abilitad da s'adattar a novas tecnologias
- Inschign manual
- Dun per cifras
- Moda da lavurar sistematica
- Moda da lavurar conscienziusa ed exacta
- Abilitad da lavurar en in team
- S'occupar cun electricitad ed electronica
- Lavurar al computer
- Lavurar cun cifras
- Planisar, construir, far dissegn tecnic
- Experimentar, perscrutar
Scolaziun
La scolaziun vegn fatga sco emprendissadi en in manaschi u en ina scola a temp cumplain.
furmaziun pratica en in manaschi da l'industria da maschinas, d'electronica e da metal: 3-4 dis per emna
1 fin 2 dis per emna en las scolas professiunalas spezialisadas chantunalas
en plirs chantuns: 48 dis durant 4 onns.
4 onns
terminà la scola obligatorica
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Electronist / Electronista AFQ
Furmaziun cuntinuonta
Curs
Curs da la federaziun Swissmem Academy e da Swissmechanic
Examen professiunal (EP)
- Spezialist / Spezialista d'automatica EP
- ICT-Platform Development Specialist EP
- Electronist / Electronista da multimedia EP
- Spezialist / Spezialista da mantegniment EP
- Manader / Manadra da project e Schef / Scheffa dal lavuratori en la fabricaziun da tavlas electricas EP
- Commerziant tecnic / Commerzianta tecnica EP
Examen professiunal superiur (EPS)
- Directur / Directura da producziun industriala EPS
- Manader / Manadra da facility management e maintenance EPS
Scola spezialisada superiura (SSS)
- Electrotecnicist / Electrotecnicista SSS
- Informaticher / Informaticra SSS
- Tecnicist / Tecnicista da sistem SSS
- Tecnicist / Tecnicista da construcziun da maschinas SSS
Scola auta spezialisada (SAS)
- Bachelor of science en electrotecnica, tecnologia d'infurmaziun
- Bachelor of science en informatica
- Bachelor of science en scienzas da l'inschigneria da maschinas
- Bachelor of science en microtecnica
Tut tenor la scola auta spezialisada valan differentas cundiziuns d'admissiun.
Eveniments
Professiuns sumegliantas
Ulteriuras infurmaziuns
- Swissmem
Verband für KMU und Grossfirmen der Schweizer Tech-Industrie
- Swissmem Ausbildung
- Swissmechanic
Schweizerischer Verband mechanisch-technischer Berufe
- Faszination Technik
Technische Lehrberufe in der Schweiz
- TODO