Electroinstallatura AFQ
Electroinstallatur AFQ
![[object Object],[object Object]](https://media.sdbb.ch/transform/029c1b59-599e-408a-9571-27f4089c9927/instal_elec_CP_133-JPG?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1150.–
4. onn d’emprendissadi: CHF 1462.–
Sco electroinstallatura u electroinstallatur fas, mantegnas e reparas ti installaziuns electricas. Ti lavuras cun sistems da la tecnica d'edifizis, cun energias regenerablas sco er cun sistems da communicaziun e da segirezza en edifizis. Uschia mettas ti conducts, monteschas stgaffas d'interrupturs e prendas en funcziun indrizs. Ultra da quai drizzas ti quels e controlleschas installaziuns novas sco er existentas.
Incumbensas
- far instrucziuns tecnicas per indrizs electrics
- preparar e, sche necessari, empustar material ed utensils
- depositar material sin il plazzal
- garantir e mantegnair il provediment d'electricitad sin il plazzal
- determinar a maun dals plans, nua che bischlas da contact, clavellas u stgaffas d'interrupturs vegnan installadas
- metter e francar bischens da cabels avant che paraids, palantschieus sura u palantschieus vegnan terminads
- metter cabels, als colliar cun bischlas da contact, clavellas e stgaffas d'interrupturs resguardond las prescripziuns da segirezza
- installar e metter en funcziun apparats electrics e sistems
- installar elements da construcziun per l'automatisaziun d'edifizis, p.ex. per regular la glisch e la temperatura
- installar sistems da communicaziun per l'internet u per multimedia
- installar elements da construcziun per sistems d'energia electrica sco indrizs solars
- installar indrizs da la tecnica da segirezza sco indrizs d'alarm d'incendi u illuminaziuns d'urgenza
- far l'emprima controlla da las installaziuns electricas e metter en funcziun quellas
- regular cun apparats da mesiraziun la tensiun, l'intensitad e la prestaziun dal current
- far mesiraziuns en cas da disturbis e discurrer cun las utilisadras ed ils utilisaders per chattar eventuals motivs
- reparar u remplazzar installaziuns ed apparats defects
- surdar las installaziuns a l'incumbensadra u l'incumbensader
- scriver rapports davart las lavurs liquidadas
Ambient da lavur
Sco electroinstallatura u electroinstallatur lavuras ti sin plazzals en pitschens teams. A chasa tar la clientella lavuras ti savens suletta u sulet. Las uras da lavur èn per il pli regularas, tut tenor il lieu da lavur resultan dentant er servetschs da pichet e da notg u lavur da fin d'emna.
Ti lavuras en firmas d'installaziuns electricas, manaschis industrials, ovras electricas u en il commerzi a l'engrossa d'electromaterial. Il martgà da lavur è bun. Cun ina furmaziun supplementara ed experientscha correspundenta pos ti ta spezialisar per tscherts geners d'installaziun, surpigliar ina posiziun da responsabladad u manar in'atgna firma d'electroinstallaziuns.
Pretensiuns e interess
- Inschign manual
- Chapientscha tecnica
- Imaginaziun tridimensiunala
- Nagins disturbis da vesair colurs
- Prontezza d'esser savens sin viadi
- Pensar abstract e logic
- Moda da lavurar sistematica
- Abilitad da lavurar en in team
- S'occupar cun electricitad ed electronica
- Lavurar cun ils mauns
- Lavurar en moda exacta
Scolaziun
Furmaziun pratica en in manaschi d'electroinstallaziuns: 3 fin 4 dis per emna
1 fin 2 dis per emna en las scolas professiunalas spezialisadas chantunalas
En plirs chantuns: 48 dis durant 4 onns
4 onns
- terminà la scola obligatorica
- intgins manaschis pretendan tests da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Electroinstallatur / Electroinstallatura AFQ
Furmaziun cuntinuonta
Curs
Curs da l'Uniun svizra dals installaturs electricists EIT.swiss
Emprendissadi supplementar
Sco electroinstallatura u electroinstallatur pos ti per regla far in emprendissadi scursanì dad electroplanisadra u electroplanisader AFQ.
Certificat da branscha / furmaziun supplementara specifica
- Manader / Manadra da team electro cun certificat EIT.swiss
- Electricist / Electricista da manaschi (controlla da l'Inspecturat federal d'installaziuns a current ferm ESTI)
Examen professiunal (EP)
- Electricist / Electricista mainaproject installaziun e segirezza EP
- Manader / Manadra da projects telematics EP
Examen professiunal superiur (EPS)
- Expert / Experta d'installaziun e segirezza electrica EPS
- Expert / Experta d'electroplanisaziun EPS
- Telematicher / Telematicra EPS
Scola spezialisada superiura (SSS)
- Electrotecnicist / Electrotecnicista SSS
Scola auta spezialisada (SAS)
- Bachelor of science en electrotecnica u energia da tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
