![[object Object],[object Object]](https://media.sdbb.ch/transform/434be952-0fcb-4e9f-a060-a75b3fc5a747/12_Automatikmonteur_FM-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
Montadras e montaders d'automatica endrizzan las regulaziuns electricas da maschinas. Els controlleschan, sch'ils elements funcziunan ed elimineschan disturbis. Tut tenor il gener dal manaschi cumodan e mantegnan els apparats da tegnairchasa u d'industria.
Incumbensas
La nova ordinaziun da furmaziun davart la professiun Montader / Montadra d’automatica AFQ è en vigur dapi il 1. da schaner 2026. Questa descripziun da la professiun vegn actualisada proximamain.
- leger plans da construcziun d'apparats e da cirquits electrics
- tscherner cabels adattads per colliar ils elements
- colliar elements cun installaziuns da cabels ed als plazzar en la chascha
- construir tavlas da distribuziun electrica
- observar las normas legalas en la lavur
- metter en funcziun apparats
- controllar cun apparats da mesiraziun, ch'ils apparats funcziunian
- installar elements da regulaziun ed apparats en cirquits electrics sco er mesirar la tensiun
- eliminar disturbis
- controllar tut las funcziuns dals apparats
- scriver rapports davart la messa en funcziun d'apparats
- controllar apparats e cabels da colliaziun
- cumadar u substituir elements defects
- cumadar u remplazzar elements ed installaziuns da cabels ruts
- controllar ils elements cumadads
- far in rapport da controlla
- mantegnair e cumadar material e maschinas en il lavuratori u tar la clien-tella
- prender dapart apparats ed indrizs, als mantegnair ed als recumponer
- controllar las cundiziuns da funcziun dals apparats
Ambient da lavur
Montadras e montaders d'automatica lavuran en pitschens teams en hallas da montascha u en lieus da producziun d'interpresas industrialas. Els sa spezialiseschan per ina lavur, ston dentant s'adattar als svilups tecnics. Els lavuran cunzunt ensemen cun automaticras, electronists, informaticras e polimecanists.
Montadras e montaders d'automatica chattan lavur en manaschis industrials automatisads, en la montascha d'indrizs electrics u en il mantegniment ed en la reparatura d'apparats. Els pon surpigliar funcziuns directivas en interpresas, sco per exempel manadra u manader da team, manadra u manader d'in lavuratori ubain manadra u manader da montaschas.
Pretensiuns e interess
- Chapientscha tecnica
- Dun per cifras
- Moda da lavurar sistematica
- Inschign manual
- Abilitad da lavurar en in team
- Nagins disturbis da vesair colurs
- Lavurar cun ils mauns
- S'occupar cun electricitad ed electronica
Scolaziun
En in manaschi da l’industria da maschinas, d'electro e da metal (industria MEM).
1 di per emna a la scola professiunala spezialisada.
Emprender la lavur pratica, approfundar ed exercitar las basas professiunalas, 28 fin 44 dis durant 3 onns.
3 onns
Terminà la scola obligatorica cun pretensiuns mediocras u autas
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Montader / Montadra d’automatica AFQ
Furmaziun cuntinuonta
Curs
Purschidas da scolas professiunalas spezialisadas e da scolas spezialisadas superiuras sco er da federaziuns professiunalas sco Swissmechanic, Swissmem ed USAT Uniun svizra Automatisaziun e tavlas electricas.
Emprendissadi supplementar
Montadras e montaders d'automatica pon per regla far in emprendissadi scursanì sco automaticra u automaticher AFQ.
Examen professiunal (EP)
Cun certificat professiunal federal: per exempel spezialista u spezialist d'automatica, manadra u manader da project e scheffa u schef d'in lavuratori en la fabricaziun da tavlas electricas ubain spezialista u spezialist da producziun.
Examen professiunal superiur (EPS)
Per exempel experta u expert da tavlas electricas e d'automatica cun diplom federal ubain manadra u manader da producziun industriala dipl.
Scola spezialisada superiura (SSS)
Studis en roms parentads, per exempel: tecnicista u tecnicist da sistem dipl. SSS, electrotecnicista u electrotecnicist dipl. SSS, tecnicista u tecnicist da construcziun da maschinas dipl. SSS, informaticra u informaticher dipl. SSS
Scola auta spezialisada (SAS)
Studis en roms parentads, p.ex. bachelor of science en electrotecnica, en tecnica da maschinas ubain en mecatronica ed en tecnica da sistems. Tut tenor la scola auta spezialisada valan differentas cundiziuns d'admissiun.
Professiuns sumegliantas
