Electricist da montascha AFQ
Electricista da montascha AFQ
Correspunda questa professiun a mai?![[object Object],[object Object]](https://media.sdbb.ch/transform/2d15fa43-7d18-4281-a715-48f99ebdc01c/electricien_mont_FN_073-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1105.–
Sco electricista u electricist da montascha installeschas e monteschas ti indrizs electrics en edifizis. Ti installeschas lingias, monteschas stgaffas d'interrupturs, clavellas ed indrizs d'illuminaziun. Plinavant collias ti apparats electrics e l'attatg da la chasa cun las bischlas da contact.
Incumbensas
- leger plans tecnics
- preparar e, sche necessari, empustar material ed utensils
- depositar material sin il plazzal
- endrizzar il provediment d'electricitad sin il plazzal
- determinar a maun dals plans, nua che bischlas da contact, clavellas u stgaffas d'interrupturs vegnan installadas
- bajegiar chaschas en mirs, quai èn chaschas integradas en il mir, vi da las qualas vegnan pli tard colliads ils apparats
- metter bavrolas da lingias en palantschieus sura ed en paraids
- metter cabels, als colliar cun bischlas da contact, clavellas e stgaffas d'interrupturs resguardond las prescripziuns
- installar e colliar sistems da segirezza ed auters apparats electrics
- controllar e metter en funcziun las installaziuns electricas fatgas sez
- regular cun apparats da mesiraziun las configuraziuns per la tensiun, l'intensitad e la prestaziun dal current
- scriver rapports davart las lavurs liquidadas
Ambient da lavur
Sco electricista u electricist da montascha lavuras ti per il solit sin plazzals en pitschens teams. En chasadas privatas elimineschas ti sbagls u megliereschas installaziuns simplas. Intginas da las lavurs dumondan gronda forza corporala.
Ti lavuras principalmain en firmas d'electroinstallaziuns. Il martgà da lavur è bun. Cun ina furmaziun supplementara pos ti surpigliar posiziuns da responsabladad e ta spezialisar.
Pretensiuns e interess
- Inschign manual
- Chapientscha tecnica
- Nagins disturbis da vesair colurs
- Imaginaziun tridimensiunala
- Moda da lavurar sistematica
- Abilitad da lavurar en in team
- Resistenza corporala
- Prontezza d'esser savens sin viadi
- S'occupar cun electricitad ed electronica
- Lavurar cun ils mauns
- Lavurar en moda exacta
Scolaziun
Furmaziun pratica en ina firma d'electroinstallaziuns: 4 dis per emna
1 di per emna en las scolas professiunalas spezialisadas chantunalas
En plirs chantuns: 40 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Electricist / Electricista da montascha AFQ
Furmaziun cuntinuonta
Curs
Curs da l'Uniun svizra dals installaturs electricists EIT.swiss
Emprendissadi supplementar
Sco electricista u electricist da montascha AFQ pos ti per regla far in emprendissadi scursanì dad electroinstallatura u electroinstallatur AFQ u dad electroplanisadra u electroplanisader AFQ.
Certificat da branscha / furmaziun supplementara specifica
- Manadra u manader da team electro cun certificat EIT.swiss
- Electricista u electricist da manaschi (controlla da l'Inspecturat federal d'installaziuns a current ferm ESTI)
Examen professiunal (EP)
- Electricist / Electricista mainaproject installaziun e segirezza EP
- Electricist / Electricista mainaproject planisaziun EP
- Mainaproject d'automatisaziun d'edifizis EP
Examen professiunal superiur (EPS)
- Expert / Experta dipl. d'installaziun e segirezza electrica EPS
- Expert / Experta dipl. d'electroplanisaziun EPS
Scola spezialisada superiura (SSS)
- Electrotecnicist / Electrotecnicista SSS
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en electrotecnica
- Bachelor of science en tecnica d'edifizis / energia
Tut tenor la scola auta spezialisada valan differentas cundiziuns d'admissiun.
Professiuns sumegliantas
