Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Electroinstallatur / Electroinstallatura AFQ

Electroinstallaturs ed electroinstallaturas construeschan, mantegnan e repareschan installaziuns electricas en edifizis. Els tschentan lingias, monteschan stgaffas da midada, installeschan apparats electrics ed implants ed als mettan en funcziun.

Lavurs

Electroinstallaturs ed electroinstallaturas èn responsabels per tut las installaziuns electricas en tegnairchasas, en l’agricultura, en il commerzi ed en l’industria. Els installeschan attatgs per il current, il telefon, l’internet, il radio e la televisiun. Els mettan las colliaziuns da l’attatg da chasa enfin las bischlas da contact resp. ils indrizs correspundents, p.ex. lampas, plattas da cuschinar u indrizs d’alarm u telecommunicaziun.

Suenter avair discutà l’incumbensa cun il manader da project studegian e cumpletteschan electroinstallaturs ils documents da planisaziun e calculeschan la quantitad da material. En il magazin s’equipeschan els cun il material ed ils guaffens ch’els dovran sin il plazzal. En il lavuratori collian els p.ex. distribuziuns da segiranzas u preparan tocs singuls per l’installaziun posteriura, p.ex. tras glimar, tagliar crennadiras u lutegiar.

Durant las installaziuns en construcziuns bruttas resguardan electroinstallaturs ils plans e schemas tecnics. Els tschentan bischens da protecziun per l’installaziun da lingias e mettan en stgaffas per la montascha d’apparats da regulaziun. Durant la construcziun d’interiurs tiran els filfiers e cabels en las bischas da protecziun tschentadas e monteschan selecturs e bischlas da contact. Cur che la construcziun nova è bunamain finida installeschan els lura ils apparats e controlleschan cun l’agid d’apparats da mesirar, sche tut funcziuna. Els realiseschan apparaturas solaras ed indrizs d'automatisaziun.

Electroinstallaturs èn era en contact cun la clientella. Sch’els reconstrueschan p.ex. implants existents discuteschan els differentas soluziuns e planiseschan la realisaziun communablamain, per tegnair a la curta l’interrupziun dal manaschi. Durant il servetsch da service e reparatura explitgeschan els a la clientella il diever adequat da l’installaziun ed ils indrizs.

La lavur d’electroinstallaturs è fitg varianta: Els midan savens il lieu da lavur e lavuran savens independentamain, per part sulets e per part en in team. Els fan differentas lavurs artisanalas, per exempel lavurs pli groppas sco tschentar bischens, mo era lavurs da precisiun sco colliar da la telecommunicaziun. Els dovran differents guaffens sco tirastruvas, tagliaders laterals, zangas d’isolar, apparats da mesirar e maschinas da furar e da fresar. Durant l’occupaziun cun il current èn els conscients dals privels e resguardan las prescripziuns da segirezza.

Scolaziun

Basa legala

Ordinaziun federala 27-04-2015

Durada

4 onns

Furmaziun en la pratica

En in manaschi d’installaziuns electricas

Furmaziun en scola

1 di per emna a la scola professiunala; davent dal 2. fin il 4. semester 1 fin 2 dis per emna a la scola professiunala

Roms professiunals

  • Tecnica d’elavuraziun
  • basa tecnologica
  • documentaziun tecnica
  • tecnica da sistems electronics
  • tecnica da communicaziun
  • roms tematics
  • Curs ordaifer il manaschi

    Tar differents temas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "electroinstallatur / electroinstallatura AFQ"

Premissas

Furmaziun preliminara
  • scola populara terminada,  stgalim da scola mesaun u superiur
  • bunas prestaziuns en geometria, matematica e fisica
  • en regiuns singulas è in test da qualificaziun pretendì
Pretensiuns
  • inschign manual
  • abilitads da motorica fina
  • patratgar abstract-logic
  • buna enclegientscha tecnica
  • moda da lavurar conscienziusa, exacta e conscienta da la respon-sabladad
  • nagins disturbis da la vesida da colurs (ins sto savair distinguer las colurs dals cabels)
  • abilitad da lavurar en in team
  • buna demananza (contact cun la clientella)

Furmaziun supplementara

Curs

purschidas d’associaziuns professiunalas, scolas professiunalas ed instituts tecnics

Furmaziun da basa scursanida

electroinstallaturs/-installaturas pon far in emprendissadi scursanì da 2 onns sco electroplanisader / electroplanisadra AFQ u sco telematicher / telematicra AFQ

Spezialisaziun

p.ex. capolavurer / capolavurera d'electro cun il VSEI-certificat u electricist / electricista da manaschi (inspecziun da l’inspecturat per current ferm federal a Fehraltorf / ZH)

Examen professiunal (EP)

cussegliader / cussegliadra da segirezza electrica cun certificat professiunal federal, manader / manadra da projects electrics cun certificat professiunal federal, manader / manadra da projects da telematica cun certificat professiunal federal

Examen professiunal superiur (EPS)

electroinstallatur diplomà / electroinstallatura diplomada u telematicher diplomà / telematicra diplomada

Scola spezialisada superiura (SSS)

curs da furmaziun en il champ spezial da la tecnica, p.ex. tecnicist diplomà / tecnicista diplomada SSS electrotecnica, tecnicist diplomà / tecnicista diplomada SSS telecommunicaziun

Scola auta spezialisada (SAS)

p.ex. Bachelor of Science (SAS) en electrotecnica, Bachelor of Science (SAS) en tecnica d’edifizis

Cundiziuns da lavur

Electroinstallaturs AFQ lavuran en manaschis d’installaziun electrica, manaschis d’industria, ovras electricas, en il commerzi a l’engrossa da material electric ed en secturs sumegliants. Cun furmaziun supplementara adequata han els la pussaivladad da manar ina firma d’installaziun pli tard.

Tut tenor il lieu da lavur ston els era lavurar la notg, durant la fin d’emna u far servetschs da pichet. La glieud professiunala è savens per via.

Installaziuns electronicas e tecnologicas èn indispensablas per il funcziunament da l’economia e da la societad. Spezialists da la branscha han bunas schanzas sin il martgà da lavur.

Ulteriuras infurmaziuns

Verband Schweiz. Elektro-Installationsfirmen VSEI
Limmatstr. 63
8005 Turitg
Tel: 044 444 17 17
URL: www.vsei.ch

Revistas professiunalas:
"Electro Revue"
"Elektrotechnik"




berufsberatung.ch